मकवानपुरका प्रहरी प्रमुख एसपी राठौर सम्मानित

३० मंसिर।,हेटौंडा । जिल्ला प्रहरी कार्यालय मकवानपुरका प्रहरी प्रमुख प्रहरी उपरीक्षक (एसपी) शुसिल सिंह राठौर सम्मानित भएका छन् ।

उपरीक्षक राठौरलाई मञ्जुश्री असाहय संरक्षण केन्द्र  मकवानपुरले सम्मान गरेको हो।मंगलबार हेटौँडा-२ मा रहेको  न्युज क्लब नेपालमा बधाई,शुभकामना तथा सम्मान कार्यक्रमको आयोजना गर्दै मञ्जुश्री असाहय संरक्षण केन्द्र मकवानपुरले प्रहरी प्रमुख राठोरलाई सम्मान गरेको हो ।नेपाल सरकारले गएको असोज ३ गते संविधान दिवसको अवसरमा प्रहरी प्रमुख राठोरलाई प्रबल जनसेवा श्री चतुर्थ विभूषितबाट सम्मान गरेको अवसरमा केन्द्रले बधाई,शुभकामना तथा सम्मान गरेको केन्द्रकी मकवानपुर अध्यक्ष सम्पूर्ण कुमारी सिग्देलले बताइन। उनलाई कार्यक्रमकी प्रमुख अतिथि जिल्ला समन्वय समिति मकवानपुरकी उपप्रमुख भगवती पुडासैनी र मञ्जुश्री असाहय संरक्षण केन्द्रको केन्द्रीय अध्यक्ष मञ्जु खाँडले संयुक्त रुपमा खादा,माला र प्रशंसापत्रले  सम्मान गरेको थिए।  

मञ्जुश्री असाहय संरक्षण केन्द्र शाखा मकवानपुरकी अध्यक्ष सम्पूर्ण कुमारी सिग्देलको सभाध्यक्षतामा भएको कार्यक्रममा जिसस उप-प्रमुख पुडासैनी सहित  केन्द्रकी अध्यक्ष मञ्जु खाँड सहित  केन्द्रीय सल्लाहकार धनु माया मगर,सुवास श्रेष्ठ,जिल्ला अध्यक्ष सम्पूर्ण कुमारी सिग्देल,रेडियो बुलेटिनका प्रबन्ध निर्देशक अनिलकुमार खाति लगायतकाको उपस्थिति रहेको थियो। 

सम्मानपत्र ग्रहण गर्दै एसपी  राठौरले केन्द्रले गरेको सम्मानप्रति खुशी व्यक्त गर्दै आफु महिलालाई हक अधिकार र महिला शसक्तिकरणको क्षेत्रमा लागि पर्ने बताए।