सर्वोच्च अदालत बार एसोसिएसनमा कांग्रेस निकट शाक्य विजयी

५ पुस,हेटौँडा ।  सर्वोच्च अदालत बार एसोसिएशनको नयाँ कार्यसमितिका लागि हिजो सम्पन्न निर्वाचनमा  नेपाली कांग्रेस निकटको लोकतान्त्रिक समूहले अध्यक्ष सहित धेरै पदमा विजय हासिल गरेको छ ।

शनिबार काठमाडौंको रामशहापथस्थित सर्वोच्च बारको कार्यालयमा भएको निर्वाचनमा लोकतान्त्रिक समुहका वरिष्ठ अधिवक्ता पूर्णमान शाक्य अध्यक्षमा विजयी भएका छन्।  

शाक्यले २९५ मत पाएका थिए भने  चुनावि मैदानमा उत्रिएका नेकपा  निकटको प्रगतिशील समूहका अध्यक्षका उम्मेदवार वरिष्ठ अधिवक्ता २५० मत प्राप्त गरेका थिए  । शाक्य ४५ मतान्तरले विजयी भएका हुन। त्यसैगरी उपाध्यक्षमा पदमा भने प्रगतिशिलका उमेदवार  मुकुन्दप्रसाद पौडेलले २८४ मतसहित विजयी भएका छन् । पौडेलले लोकतन्त्रिक समुहका  नमराज रिजाललाई पराजित गरेका हुन। रिजालले  २५४ मत प्राप्त गरेका छन्। 

सचिवमा लोकतन्त्रिक समुहका  ऋषिराम घिमिरे ३१६ मत प्राप्त गरी  विजयी भएका छन् ।उनले प्रगतिशीलका  अञ्जिता खनाल पराजित गरेका हुन। खनालले २२४ मत प्राप्त गरी  सचिवमा पराजित भएकी छिन् ।

सह–सचिवमा शर्मिला श्रेष्ठ (लोकतान्त्रिक) २८० मत प्राप्त गरी  विजयी भएकी छिन् । श्रेष्ठसँग प्रतिष्पर्धा गरेकी शोभा कार्की (प्रगतिशील) पराजित भएकी छिन् । कार्कीले जम्मा २५९ मत पाएकी छिन् ।

कोषाध्यक्षमा विनोदकुमार कार्की (लोकतान्त्रिक) २७४ मतसहित विजयी भएका छन् । कार्कीसँग श्यामकुमार खत्री (प्रगतिशील) २६० मत ल्याएर पराजित भएका छन् ।महिला सदस्यमा अमिता गौतम पौडेल (लोकतान्त्रिक) निर्वाचित भएकी छिन् । गौतमले २९१ मत पाएकी छिन् । पराजित प्रगतिशील समूहकी देवी रेग्मीले २०८ मत पाएकी छिन् ।

सदस्यहरूमा अनन्त कार्की (प्रगतिशील) ले २५८, अनन्तराज लुइँटेल (प्रगतिशील)ले ३०२, तिलकबिक्रम पाण्डे (प्रगतिशील)ले २५६, दीपनारायण शाह (प्रगतिशील)ले ३०३, विकास भट्टराई (लोकतान्त्रिक)ले २७६, राजेन्द्रप्रसाद शाह (लोकतान्त्रिक)ले ३१३, मिराज श्रेष्ठ (लोकतान्त्रिक)ले ३०५, डा.रामहरि त्रिपाठी (लोकतान्त्रिक)ले २६९ र निर्मला भण्डारी (लोकतान्त्रिक)ले २७४ मतसहित निर्वाचित भएका छन् ।