चौघडामा शिवालयको अनावरण

२ साउन हेटौँडा । हेटौडा उपमहानगरपालिका वडा नम्बर ६ चौघडा, शान्तिटोलमा निर्माण गरिएको शिवालयको सोमवार अनावरण गरिएको छ । हेटौडा ६ का वडा अध्यक्ष अर्जुनप्रसाद चौलागाईले शिवालयको अनावरण गर्नु भएको हो । संस्कृति, पर्यटन तथा नागरिक उडड्यन मन्त्रालयको २ लाख र स्थानीय जनश्रमदान ३० हजार गरी २ लाख ३० हजारको लागतमा शिवालयको निर्माण गरिएको समितिले जनाएको छ । स्थानीय क्षेत्रमा पाईने ढुङगालाई कलात्मक ढंगबाट कुदेर शिवको मूर्ती बनाईएको छ । पार्कलाई लाई आन्तरिक तथा बाह्य पर्यटन भित्राउने लक्ष्य राखिएको समितिका सदस्य रुपेश दुलालले जानकारी दिए ।
समितिका अध्यक्ष भीमसेन पौडेलको अध्यक्षतामा भएको अनावरण कार्यक्रममा वडा सदस्य शुभद्रा तिमल्सिना, जनकल्याण सहकारीका अध्यक्ष हिमाल पौडेल, नागरिक वडा मञ्चका संयोजक कृष्णप्रसाद सञ्जेल पण्डित कृष्णप्रसाद पौडेल लगायतकाले मन्तव्य व्यक्त गरेका थिए ।
कार्यक्रममा हेटौडा–६ निवासी रामहरी तिमल्सिनाले १० हजार दश रुपैयाँ, श्यामसुन्दर श्रेष्ठले ५ हजार पाँच, वडा अध्यक्ष अर्जुनप्रसाद चौलागाईले ५ हजार, वडा सदस्य राजकुमार बास्तोलाले ५ हजार पाँच, कल्पना विश्वकर्माले ५ हजार रुपैयाँ सहयोग गर्नुभएको थियो । यसैगरी वडा सदस्य रामहरी राईले ३ हजार हरेराम राईले २ हजार ५ सय पच्चीस, रामकाजी खड्काले २ हजार ५ सय रुपैयाँ मन्दिर निर्माणको लागि सहयोग गरेका थिए ।
फोटोः भिमसेन पौडेल