नारायणी सहकारीको सप्ताह व्यापी कार्यक्रम सुरु

९ पुस, हेटौंडा । हेटौंडा उपमहानगरपालिका वडा नम्बर ९ मा रहेको नारायणी बहुउद्देशयीय सहकारी संस्थाको २४ औं वार्षिक साधारण सभा तथा रजत महोत्सव अन्तर्गत सप्ताह व्यापी कार्यक्रम बिहिबारबाट सुरु भएको छ ।
संस्थाले रजत महोत्सव तथा वार्षिक साधारण सभाको कार्यक्रमको पहिलो दिन बिहिबार स्मारिका विमोचन तथा  सरसफाइ कार्यक्रमको आयोजना गरेको छ 
संस्थाका अध्यक्ष रामहरी न्यौपानैको सभाध्यक्षतामा भएको कार्यक्रममा हेटौंडा उपमहानगरपालिकाकी उपमेयर मिना लामाको प्रमुख आतिथ्यता रहेको थियो । 
प्रमुख अतिथि लामाले सहकारी संस्थाले प्रकाशन गरेको स्मारिका विमोचज गरिन् । यस्तै सहकारीको रजत महोत्सव कार्यक्रम अन्तर्गत बिहिबार नै सहकारीको आसपास पशुपतिनगर क्षेत्र वरिपरि सरसफाई समेत गरिएको छ । 

कार्यक्रमकै अवसरमा सहकारीले बृद्ध भत्ता प्राप्त गर्ने शेयर सदस्य, एसईईमा उत्कृष्ठ नतिजा प्राप्त गर्ने विद्यार्थीहरु, निर्माण सामाग्री लोड अनलोड गर्न सहयोग पु¥याउने मजदुरहरु र संस्थामा उपलव्ध भएका निर्माण सामाग्रीको प्रयोग गरि घर बनाउने शेयर सदस्यहरुलाई सम्मान गरिएको थियो । 
यस्तै संस्थाले भोली शुक्रकार संस्थाको प्राङ्गणमा नगरस्तरीय वक्तृत्वकला प्रतियोगिताको आयोजना गर्ने छ ।
तस्विरः संस्थाका अध्यक्ष न्यौपानेको फेसबुकबाट