यौनजन्य दुव्र्यवहार विरुद्ध हेटौँडा-२ स्थित फुर्केचौर बसपार्कमा कार्यक्रम

१५ पुस, हेटौँडा । जिल्ला प्रहरी कार्यालय मकवानपुरको आयोजनामा यौनजन्य दुव्र्यवहार विरुद्ध विशेष अभियान कार्यक्रम अन्तर्गत आज हेटौँडा-२ संगमचोकमा रहेको फुर्केचौर,फापरवारी बसपार्कमा सचेतना  कार्यक्रम गरिएको छ । 

प्रहरी प्रधान कार्यालय नक्सालको कार्य योजना अन्तर्गत २०७७ सेफ्टी पिन क्याम्पेन अभियान अन्तर्गत जिप्रका मकवानपुरको आयोजना, सामुदायिक सेवा उप—केन्द्र तथा सामुदायिक प्रहरी सेवा उपकेन्द्रको समन्वयमा गत सोमबार हेटौंडा—१० बसपार्कबाट सुरू भएको अभियानको आज फुर्केचौर । फापरवारी बसपार्कमा सचेतना कार्यक्रम गरिएको हो । 

सामुदायिक सेवा उप—केन्द्रका अध्यक्ष प्रदिप कंडेलको सभाध्यक्षतामा भएको कार्यक्रममा हेटौँडा-२ का वडा सदस्य सुदिप राजवाहक, वडा प्रहरी कार्यालय हेटौँडा का प्रहरी निरीक्षक कृष्ण प्रसाद बिष्ट, मकवानपुर ट्राफिक प्रहरी प्रमुख प्रहरी निरीक्षक प्रकाश पाण्डे, जिल्ला प्रहरी कार्यालय मकवानपुरकी महिला सेलकी प्रहरी सहायक निरिक्षक  दिपा तामाङ, महिला अधिकारीकर्मी सर्मिला श्रेष्ठ, समाज सेवि श्याम कर्मचार्य, बासुलाल श्रेष्ठ, विकास बानियाँ, दिपेश खड्की, साना हातका स्टेशन म्यानेजर, डिकम्बर रुपाचा लगायतको उपस्थिती रहेको थियो । 

१५ दिनसम्म चल्ने अभियान सार्वजनिक स्थान र सार्वजनिक यातायातमा हुने यौनजन्य दुव्र्यवहार सम्बन्धी अपराध बारे आम नागरिकहरुमा जनचेतना अभिवद्धि गराउने उदेश्यले गरिएको जिल्ला प्रहरी कार्यालय मकवानपुर महिला,बालबालिका सेलका प्रहरी निरीक्षक  राजकुमार सापकोटाले बताए ।