सिन्धुपाल्चोकका दुई बस्ती स्थानान्तरण गर्न सिफारिस 

google

२२ पुस, हेटौंडा । सिन्धुपाल्चोकका दुई बस्ती स्थानान्तरण गर्न सिफारिस गरिएको छ । जुगल गाउँपालिकाको लिदी लगायतका जोखिममा रहेका दुई बस्तीस्थान्तरण गर्न विज्ञ समुहको टोलीले सिफारिस गरेको हो । 
गत असार र साउन महिनामा आएको पहिरोले जुगल गाउँपालिकाको लिदीमा मात्रै ३९ जनाको मृत्युभएपछि सरकारले उक्त क्षेत्र लगायत आसपासका जोखिम बस्तीको भौगर्भिक अध्ययनका लागि विज्ञहरुको टोली एक महिना सिन्धुपाल्चोक अघि पठाएको थियो ।
पुर्ननिर्माण प्राधिकरण र राष्ट्रिय विपद जोखिम न्युनिकरण तथा व्यवस्थापन प्राधिकरणको विज्ञहरुको टोलीले एक सातासम्म जुगल गाउँपालिकाको विभिन्न चार जोखिम बस्तीहरुको स्थलगत अध्ययन गरेको थियो ।
विज्ञहरुको टोलीमा पुर्ननिर्माण प्राधिकरणको तर्फबाट सहभागी जिल्ला आयोजना कार्यान्वयन इकाईका प्रमुख सन्तोष निरौलाले पत्रकार सम्मेलन गरी अध्ययन गरिएका चार बस्ती मध्ये दुई बस्ती उच्च जोखिममा रहेको निष्कर्स निकालिएको जानकारी दिए । 
विज्ञहरुको टोलीले जुगल गाउँपालिकाको लिदी, बोल्दे, ठुलो नाम्फा, सानो नाम्फा र सञ्चगाउँको अध्ययन गरेको थियो । बाढीपहिरोले वर्षाको समययमा सिन्धुपाल्चोकमा ठुलोजनधनको क्षति भएपछि सरकारले सिन्धुपाल्चोक र वागलुङ जिल्लालाई विपद संकटग्रस्त क्षेत्र घोषणा गरेको थियो ।