हेटौँडा-६ मा रहेको कामधेनुको २२ औ बार्षिक साधारण सभा सुरु

८ माघ,हेटौँडा । हेटौँडा-६ चुच्चेखोलामा रहेको कामधेनु बहुद्देश्यीय सहकारी संस्थाको २२ औ बार्षिक साधारण सभा सुरु भएको छ।आजबाट ३ दिन सम्म चल्ने बार्षिक साधारणसभाको जिल्ला बचत तथा ऋण सहकारी संघ मकवानपुरका संचालक समिति सदस्य हिमाल पौडेलले उदघाटन गरेका थिए।  

सहकारीका अध्यक्ष गौरवकुमार पराजुलीको सभाध्यक्षता भएको उदघाटन कार्यक्रममा जिल्ला बचत तथा ऋण सहकारी संघ मकवानपुरका संचालक  सदस्य हिमाल पौडेल,सहकारीका सल्लाहकार बासुदेव सापकोटा,निवर्तमान उपाध्यक्ष उदय विडारी, सहकारीका उपाध्यक्ष उदयप्रकाश दहाल,सहकारीका लेखा संयोजक केदार गौतम टोल विकास संस्था वडा समन्वय समिति  हेटौँडा-६ का अध्यक्ष केशव धिताल, बाल जागृती युवा बर्ष मावि हेटौँडा-६ का प्रधानाध्यापक गोपाल चन्द्र भट्टराई सहकारीका सेयर सदस्यहरुको उपस्थिति रहेको थियो। 

सहकारीका लेखा संयोजक  केदार गौतमले आर्थिक वर्ष २०७६।७७ को लेखा परीक्षण प्रतिवे त्यसैगरी सहकारीका अध्यक्ष गौरवकुमार पराजुलीले संस्थाको संथागत प्रतिवेदन,ॠण उप समिति संयोजक उदय प्रकाश दहालले ॠण समितिको प्रतिवेदन र खुत्रुके बचत उप समिति संयोजक केशव प्रसाद अधिकारीले खुत्रुके बचत उप समितिको प्रतिवेदन प्रस्तुत गरेका थिए।

कोभिड-१९ को जोखिम कायम रहेकोले  बिहिबार (आज) बाट सुरु भएको बार्षिक साधारणसभा माघ १० गते शनिबार समापन हुने सहकारीका व्यवस्थापक भीमसेन पौडेलले जानकारी दिएका छन्।२०५५ सालमा स्थापना भएको सहकारीमा ५७६ सेयर सदस्यहरु रहेका छन्।