अन्तरबिद्यालय फुटबल प्रतियोगिताको उपाधि सुन्दरीदेवीलाई

रेफ्रीलाई बल हस्तान्तरण गर्दै मकवानपुर प्रहरी प्रमुख बसन्त कुमार लामा

११ साउन, हेटौँडा । मकवानपुरको उत्तरी थाहा नगरपालिका ७ मा रहेको सुन्दरीदेवी माबिले हेटौँडामा सम्पन्न भएको कोकाकोला कप अन्तरबिद्यालय फुटबल प्रतियोगिताको उपाधि जितेको छ । सुन्दरीदेवीले हेटौँडाको श्रमिक मावि कर्रालाई २–१ गोलले हराउँदै जितेको हो । 
प्रतियोगिताका मकवानपुर जिल्ला फुटबल संघको आयोजना साउन ३ गतेदेखि हेटौंडा औद्योगिक क्षेत्रको खेलमैदानमा भएको छ । जितका लागि सुन्दरीदेवी माबिका खेलाडि हर्दिप गुरुङले २२ र बिके राइले २७ मिनेटमा गोल गरे । श्रमिकका लागि खेलको ७० औं मिनेटमा राम गुरुङले एकमात्र सान्त्वना गोल गरे । खेलको म्यान अफ द म्याच हर्दिप बने । 
प्रतियोगिताको उपाधीसंगै सुन्दरीदेवीले शिल्ड मेडल तथा प्रमाणपत्र प्राप्त गरेको छ । बिजेता तथा उपबिजेता टिमलाई समापन कार्यक्रमका प्रमुख अतिथी प्रहरी उपरिक्षक बसन्तकुमार लामा र फुटबलसंघ अध्यक्ष राजेन्द्र श्रेष्ठले शिल्ड मेडल प्रदान गरे । 
प्रतियोगिताको उत्कृष्ट खेलाडि बन्दै सुन्दरीदेवीका दिपक गोलेले वेष्ट प्लेयर अफ द टुर्नामेन्टको उपाधी प्राप्त गरेका छन् । 
प्रमुख अतिथी प्रहरी उपरिक्षक लामाले युवाहरुलाई लागुऔषध जस्ता कुलतबाट टाण्ढा रहन यस्ता खेलले मद्दत गर्ने र खेलाडि उत्पादनमा समेत टेवा पुग्नेमा जोड दिए ।

फोटो: बिमल टोनीको फेसबुकबाट