मकवानपुर प्रहरी फरार प्रतिवादी समाउँदै,आज मात्र ३ जना पक्राउ

९ माघ,हेटौँडा । मकवानपुर प्रहरीको नेतृत्व समालेको एक साता नबित्दै मकवानपुर प्रहरी प्रमुख एसपी सोमेन्द्र सिंह राठौरले अदालतले फैसला गरी फरार रहेका प्रतिवादीलाई पक्राउ गर्न सकृयता देखाएका छन्। 

आज मात्रै मकवानपुर प्रहरीले जिल्ला अदालत मकवानपुरले बिभिन्न मुद्दामा दोषि ठहर गर्दै सजायँ सुनाइ फरार भएका ३ जना फरार प्रतिवादी पक्राउ गरेको छ ।  

जिल्ला अदालत मकवानपुरको २०७२ माघ २८ गतेको फैसलाले लागु औषध  मुद्दामा ६ बर्ष कैद र  १० हजार जरिवाना तोकी फरार रहेका हेटौँडा १५ का ३३ बर्षीय राजकुमार वाईवा,त्यसैैगरी  २०७५ मंसिर १६ गतेको फैसलाले बहुबिवाह मुद्दामा १ बर्ष कैद र ५ हजार  जरीवाना तोकी फरार रहेका हेटौँडा  १५ का ३३ बर्षीय  हरि गोङ्वा र जिल्ला अदालत मकवानपुरले   २०७५ असार १२  गते  लागुऔषध गाँजामुद्‍दामा १ महिना ६ दिन कैद र  २ हजार जरीवाना तोकी फरार रहेका हेटौँडा १४ का २६ बर्षीय विजय रुम्बालाई पक्राउ गरेको हो।

वाइवा,गोङवा र रुमाबालाई क्रमश हेटौँडा -१५ शिखरपानिबाट, हेटौँडा-१५ फारलाईनबाट र हेटौँडा १४ कालापानीबाट लुकीछिपी बसेको अवस्थामा फेला पारी पक्राउ गरेको मकवानपुर प्रहरी प्रमुख एसपी सोमेन्द्र सिंह राठौरले बताएका छन्। 

पक्राउ परेका ३ जनालाई  जिल्ला प्रहरी कार्यालय मकवानपुरमा ल्याई कैद  जरिवाना भुक्तानको लागि  जिल्ला अदालत मकवानपुर पठाइएको  जनाइएको छ।मकवानपुरले केही दिन अघि पनि अदालतले सजायँ तोकी फरार रहेका प्रतिवादीलाई पक्राउ गरी कैद सजाय भुक्तानीका लागि अदालत पठाएको थियो।