कामधेनु सहकारीको नवनिर्वाचित पदाधिकारीहरुको सपथग्रहण

१२ माघ,हेटौँडा । हेटौंडा ६ चुच्चेखोलामा रहेको कामधेनु बहुउद्देश्यीय सहकारी संस्थाको शनिबार २२ औँ वार्षिक साधारणसभा तथा अधिवेशनबाट निर्वाचित भएका पदाधिकारीको सपथग्रहण कार्यक्रम सम्पन्न भएको छ।सोमबार एक कार्यक्रमको आयोजना गर्दै संस्थामा निर्विरोध निर्वाचित भएका पदाधिकारीहरुको सपथ ग्रहण गराइएको हो  । 

शनिबार सम्पन्न अधिवेशनबाट अध्यक्षमा उदय विडारी, उपाध्यक्षमा उदय प्रकाश दहाल त्यसैगरी संचालक समिति  सदस्यहरुमा चित्र कुमार गौतम ‘शिव’, रमेश कुमार थापा, श्यामलाल श्रेष्ठ, मन्दिरा फुयाँल घिमिरे, केशव धिताल, गिता न्यौपाने, राजकुमार विडारी, अम्बिका सापकोटा, धन बहादुर गौतम निर्विरोध निर्वाचित भएका थिए।त्यस्तै लेखा समिति संयोजकमा केदारप्रसाद गौतम,सदस्यमा बद्री भण्डारी र सीता सुवेदी  निर्विरोध निर्वाचित भएका थिए । 

 निर्वाचन समितिका संयोजक हिमाल पौडेलको अध्यक्षतामा भएको कार्यक्रममा हेटौंडा उपमहानगरपालिका ६ नम्बर वडा अध्यक्ष अर्जुनप्रसाद चौलागाईको प्रमुख आतिथ्यता रहेको थियो ।कार्यक्रममा सहकारीका निवर्तमान अध्यक्ष गौरवकुमार पराजुली, चुच्चेखोला सामुदायिक वन बचत तथा ऋण सहकारी संस्थाका अध्यक्ष लक्ष्मण कटुवाल, चुच्चेखोला वन समूहका अध्यक्ष अर्जुन दाहाल, टोल विकास संस्था ६ नम्बर वडा समन्वय समितिका सचिव विजय पौडेल, निर्वाचन समितिका सदस्य रुपेश दुलाललगायतकाले मन्तव्य व्यक्त गरेका थिए ।

 सहकारी संस्थाले बहुउद्देश्यीय कामहरु पनि सुरु गरिरहेको र यस वर्षमा पनि थप नयाँ काम गर्ने सहकारीका व्यवस्थापक भीमसेन पौडेलले जानकारी दिएका छन्।