विश्वभर कोरोना संक्रमितको संख्या १० कारोड नाघ्यो

१३ माघ, हेटौंडा । विश्वभर महामारीको रुपमा फैलिएको कोरोना भाइरस अर्थात कोभिड–१९ बाट संक्रमित हुनेको संख्या १० करोड नाघेको छ । 
बितेको २४ घण्टामा विश्वभर ४ लाख ३९ हजार भन्दा बढी कोरोना संक्रमित थपिएसँगै विश्वभर कोरोना संक्रमितको संख्या १० करोड नाघेको हो ।
अहिलेसम्म विश्वका १० करोड २ लाख ५९ हजार बढी मानिसमा कोरोनाको संक्रमण पुष्टि भएको वर्ल्डोमिटरले जनाएको छ । वितेको २४ घण्टामा विश्वभर ४ लाख ३९ हजार ४ सय ५३ जना नयाँ संक्रमित थपिएका छन् । 
कुल संक्रमितको संख्या मध्ये ७ करोड २२ लाख ६९ हजार भन्दा बढी मानिसहरु निको भएको पनि वल्र्डोमिटरले जनाएको छ ।
यसैगरी विश्वभर २ करोड ५८ लाख ४२ हजार भन्दा धैरैजनामा संक्रमण सक्रिय रहाँदा १ लाख १० हजार भन्दा धेरै मानिसहरु गम्भिर अवस्थामा उपचार गराई रहेका छन् । 
कोरोना महामारीबाट विश्वको सबैभन्दा बढी प्रभावित अमेरिकामा २ करोड ५८ लाख ५३ हजार भन्दा धेरैमा कोरोना भाइरसको संक्रमण पुष्टि भएको छ । यहाँ पछिल्लो २४ घण्टामा १ लाख ४३ हजार भन्दा बढी नयाँ संक्रमित थपिएको वल्र्डोमिटरले जनाएको छ ।
यस्तै दोस्रो धेरै प्रभावित देश भारतमा १ करोड ६ लाख ७७ हजार भन्दा धेरैमा संक्रमण पुष्टि हुँदा पछिल्लो २४ घण्टामा ९ हजार ३६ जना नयाँ संक्रमित थपिएका छन् ।
यसैगरी तेस्रो धेरै प्रभावित देश ब्राजिलमा ८८ लाख ७२ हजारभन्दा धेरैमा संक्रमण पुष्टि हुँदा पछिल्लो २४ घण्टामा मात्रै यहाँ २८ हजार ३ सय ६४ नयाँ संक्रमित थपिएको वल्र्डोमिटरले जनाएको छ ।