स्थापना दिवसको अवसरमा सहकारी र रेडियोले विभिन्न सामाजिक कार्यक्रम गर्ने

१५ माघ, हेटौंडा । दिव्यतारा बहुउद्देश्यीय सहकारी संस्था लिमिटेडको स्थापना दिवस तथा सहकारीद्वारा सञ्चालित रेडियो मकवानपुरको बार्षिकोत्सव सप्ताहव्यापी कार्यक्रमको आयोजना गरि मनाईने भएको छ ।
सहकारीको २३ औं स्थापना दिवस तथा रेडियोको ११ औं बार्षिकोत्सव सप्ताहव्यापी कार्यक्रमको आयोजना गरी मनाउन लागिएको बिहीबार पत्रकार सम्मेलनमार्फत जानकारी गराईएको हो ।
साताव्यापी कार्यक्रम अन्तर्गत पहिलो दिन भोली भोली शुक्रबार सहीद दिवसको असर पारेर ‘सहीद’ शीर्षकमा माविका विद्यार्थीबीच कविता प्रतियोगिता हुने भएको छ । प्रतियोगितामा प्रथम, द्वितीय, तृतीय र शान्त्वना हुनेलाई क्रमशः नगद ७ हजार, ५ हजार, ३ हजार र २÷२ हजार पुरस्कारको व्यवस्था गरिएको रेडियो मकवानपुर सञ्चालक समितिका अध्यक्ष आनन्दराम पराजुलीले जानकारी दिए । 
यसैगरी शनिबार राक्सिराङको सरिखेत पलाँसेमा सञ्चो हस्पिटलको प्राविधिक सहयोग एवम् राक्सिराङ गाउँपालिकाको समन्वयमा निशुल्क स्वास्थ्य शिविर, १८ गते मामाघर नेपाललाई खाद्यान्न सहयोग, १९ गते एकल महिला, दलित वा विपन्न परिवारको दुईघरलाई खरको छानामुक्त गर्ने अभियान अन्तर्गत जनही २५ हजार रुपैयाँ प्रदान गरिने समितिका अध्यक्ष पराजुलीले बताए ।
यस्तै साताव्यापी कार्यक्रम अन्तर्गत २० र २१ गते रेडियो मकवानपुर कप दोस्रो मिडिया कप फुटसल प्रतियोगिता र २२ गते समापन तथा पुरस्कार वितरण कार्यक्रम हुने उनले बताए । 
समापन कार्यक्रममा समाजमा उत्कृष्ट कार्य गरी योगदान पु¥याएका दुईजनालाई नगदसहित सामुदायिक सम्मान, रेडियोका एक उत्कृष्ट कर्मचारीलाई सम्मान, रेडियो मकवानपुरका पूर्व स्टेशन म्यानेजरहरुलाई सम्मान तथा दिव्यतारा सहकारीका संस्थापक शेयर सदस्यहरुलाई सम्मान गरिने अध्यक्ष पराजुलीले बताए ।
दिव्यतारा सहकारीका अध्यक्ष महालक्ष्मी उपाध्याय डीनाले नगरभित्रकै महिला, दलित वा विपन्न दुई परिवारलाई जस्तापाता खरिद्का लागि जनही २५ हजार रुपैयाँ प्रदान गरिने जानकारी दिइन् ।
सहकारीले दुईवटा उद्योग सञ्चालनको तयारी गरिरहेको, महिलाका लागि सहुलियत कर्जा प्रदान गर्दै आएको र सहकारीलाई प्रादेशिक बनाउने अभियानमा रहेको उनले जानकारी दिइन् ।