एक्सपर्ट एजुकेशन हेटौँडाद्वारा मकवानपुर ट्राफिकलाई दुर्घटना न्यूनीकरणका लागि सचेतना वोर्ड

२५ माघ,हेटौँडा। सामाजिक क्षेत्रमा समेत कृयाशिल एक्सपर्ट एजुकेशन एण्ड भिजा सर्भिसेज हेटौंडाले जिल्ला ट्राफिक प्रहरी कार्यालय मकवानपुरलाई दूर्घटना न्युनिकरण र दुर्घटना सचेतना सम्बन्धी बोर्ड प्रदान गरेको छ। एजुकेशनले आइतबार जिल्ला ट्राफिक प्रहरी कार्यालय मकवानपुरलाई १२ थान दूर्घटना न्युनिकरण सम्बन्धी बोर्ड हस्तान्तरण गरेको हो ।

आइतबार एक कार्यक्रमका बीच एक्सपर्टका निर्देशक डिल्लीराम अधिकारीले मकवानपुर ट्राफिक प्रमुख प्रहरी निरीक्षक प्रकाश पाँण्डेलाई करिब ३ लाख बराबरको दुर्घटना सचेतना बोर्ड हस्तान्तरण गरेका हुन। 

बागमती प्रदेशको राजधानी हेटौंडामा दिनप्रतिदिन ट्राफिक जाम बढ्दै जानु,दुर्घटनाको संख्यामा गिरावट नआउनुले त्यसको  न्युनिकरणमा सामाजिक उत्तरदायीत्व बहन गर्ने उद्देश्यले ट्राफिक प्रहरीलाई उक्त वोर्ड सहयोग गरेको एक्सपर्ट हेटौँडाका निर्देशक डिल्लीराम अधिकारीले जानकारी दिए। 

उक्त वोर्ड बुझ्दै मकवानपुर ट्राफिक प्रमुख पाण्डेले दूर्घटना रोकथाम र नियन्त्रणमा  सचेतना बोर्ड उपयोग हुने भन्दै सहयोग गरेकोमा एक्सपर्ट प्रति आभार व्यक्त गरेका छन ।उनले उक्त वोर्ड मकवानपुरका विभिन्न राजमार्ग क्षेत्रमा राखिने बताए। एक्सपर्टले यस अघि पनि ईलाका प्रहरी कार्यालय मनहरीमा पनि सहयोग गरेको थियो।