विश्वभर कोरोना संक्रमितको संख्या १० कारोड ७८ लाख

२९ माघ, हेटौंडा । विश्वभर महामारीको रुपमा फैलिएको कोरोना भाइरस अर्थात कोभिड–१९ बाट संक्रमित हुनेको संख्या १० करोड ७८ लाख नाघेको छ । 
बितेको २४ घण्टामा विश्वभर ४ लाख ३५ हजार भन्दा बढी कोरोना संक्रमित थपिएसँगै विश्वभर कोरोना संक्रमितको संख्या १० करोड ७८ लाख नाघेको हो ।
अहिलेसम्म विश्वका १० करोड ७८ लाख ३४ हजार बढी मानिसमा कोरोनाको संक्रमण पुष्टि भएको वर्ल्डोमिटरले जनाएको छ । वितेको २४ घण्टामा विश्वभर ४ लाख ३५ हजार ५ सय १ जना नयाँ संक्रमित थपिएका छन् । 
कुल संक्रमितको संख्या मध्ये ७ करोड ९९ लाख ८८ हजार भन्दा बढी मानिसहरु निको भएको पनि वल्र्डोमिटरले जनाएको छ ।
यसैगरी विश्वभर २ करोड ५४ लाख ८१ हजार भन्दा धैरैजनामा संक्रमण सक्रिय रहाँदा १ लाख १ हजार भन्दा धेरै मानिसहरु गम्भिर अवस्थामा उपचार गराई रहेका छन् । 
कोरोना महामारीबाट विश्वको सबैभन्दा बढी प्रभावित अमेरिकामा २ करोड ७८ लाख ९६ हजार भन्दा धेरैमा कोरोना भाइरसको संक्रमण पुष्टि भएको छ । यहाँ पछिल्लो २४ घण्टामा ९६ हजार भन्दा बढी नयाँ संक्रमित थपिएको वल्र्डोमिटरले जनाएको छ ।
यस्तै दोस्रो धेरै प्रभावित देश भारतमा १ करोड ८ लाख ७१ हजार भन्दा धेरैमा संक्रमण पुष्टि हुँदा पछिल्लो २४ घण्टामा १२ हजार ७ सय ६० जना नयाँ संक्रमित थपिएका छन् ।
यसैगरी तेस्रो धेरै प्रभावित देश ब्राजिलमा ९६ लाख ६२ हजारभन्दा धेरैमा संक्रमण पुष्टि हुँदा पछिल्लो २४ घण्टामा मात्रै यहाँ ६० हजार भन्दा बढी नयाँ संक्रमित थपिएको वल्र्डोमिटरले जनाएको छ ।