रेडियो थाहा संचारको साताव्यापी कार्यक्रम:हेटौँडाबाट गढी डुम्रेकुनासम्म साइकल र्याली

१ फागुन, हेटौँडा । रेडियो थाहासंचारको १३ औँ वार्षिकोत्सवको साता व्यापी  विभिन्न कार्यक्रम आजबाट शुरु भएको छ। 
१३औँ वार्षीकोत्सवको साताव्यापि कार्यक्रम अन्तर्गत शनिबार 'बालमैत्री स्थानीय शासन, मकवानपुरगढी गाउँपालिकाको मुख्य अभियान' सहित साइकल र्यालिको आयोजना गरिएको छ । हेटौंडा-४ अजरअमर रोडमा रहेको रेडियो प्राङ्गणबाट शुरु भएको र्यालि बुद्ध चोक, चौकिटोल, सामरी, आमभञ्याङ धादिङ हुँदै मकवानपुर गढीगाउँपालिका -६ डुम्रेकुनामा पुगेर समापन भएको थियो । र्यालिमा ३५ जना राइडर्सहरूको सहभागीता रहेको थियो। कार्यक्रमको रेडियोकी संचालिका अस्मिता सुमार्गीले शुरुवात गरेकी थिइन् । 
सहभागिहरुलाई मकवानपुर गढीगाउँपालिका अध्यक्ष बिदुर हुमागाईंले प्रमाणपत्र प्रदान गरेका थिए । कार्यक्रममा बोल्दै प्रमुख अतिथि हुमागाईंले  रेडियो थाहासंचारले गढी गाउँपालिकालाई बालमैत्री घोषणा गर्ने अभियानमा सहकार्य गरी साइकल र्यालीको आयोजना गरिएकोमा प्रशंसा गरेका छन्।
कार्यक्रममा वडा प्रहरी कार्यालय हेटौडाका प्रहरी निरीक्षक कृष्ण प्रसाद बिष्ट, जिल्ला ट्राफिक प्रहरी प्रमुख प्रकाश पाण्डे,नेपाली कांग्रेस जिल्ला सदस्य  अर्जुन प्रसाद दाहाल,संचारकर्मीहरु सहभागिता रहेको थियो।
वार्षिकोत्सवको सप्ताह व्यापी कार्यक्रम अन्तर्गत फागुन  २  गते  पालुङमा रुपचन्द्र विष्ट र थाहा अन्दोलनको मर्म विषयक अन्तरक्रियाको आयोजना गरिने रेडियोका थियो भने फागुन २ गते हेटौँडाको स्टेसन म्यानेजर मणिराज गौतमले बताए।  
त्यसैगरी फागुन ३ गते बुद्धचोकमा रक्तदान कार्यक्रम आयोजना पत्रकार र भेट्रान्स समुह बिच मैत्रिपुर्ण फुटबल प्रतियोगिताको आयोजना गरिने रेडियोका स्टेशन म्यानेजर गौतमले बताए ।