प्रेस युनियन मकवानपुरको भेलामा निर्वाचनबारे छलफल

१९ फागुन, हेटौंडा । नेपाल प्रेस युनियन मकवानपुर शाखाले भेलाको आयोजना गरि नेपाल पत्रकार महासंघको आसन्न निर्वाचनबारे छलफल गरेको छ ।
प्रेस युनियन मकवानपुरका अध्यक्ष कुमार अधिकारी पोष्टराजको अध्यक्षतामा भएको कार्यक्रममा युनियनका मध्यमाञ्चल संयोजक राममणी दाहालको प्रमुख आतिथ्यता रहेको थियो । 
भेलामा प्रमुख अतिथी दाहालले पत्रकारको हकहितका खटिने नेतृत्व केन्द्र, प्रदेश र जिल्लामा आउनु पर्नेमा जोड दिंदा त्यही अनुसार युनियन अघि बढ्नुपर्नेमा जोड दिए ।
त्यस्तै, पत्रकार महासंघ बागमती प्रदेशकी उपाध्यक्ष सम्झना कार्कीले प्रेस युनियनमा आवद्ध पत्रकारहरुले लोकतन्त्रको संस्थागत विकास र संविधानको रक्षाको लागि कलम चलाउने पर्ने बताइन् ।
कार्यक्रममा सहभागी युनियनकर्मीले आगामी पत्रकार महासंघको निर्वाचनमा युनियनले खेल्नुपर्ने भुमिका, चाल्नुपर्ने रणनीति लगायतको बारेमा धारणा राखेका थिए ।
कार्यक्रममा काठमाडौंमा उपचाररत कांग्रेस मकवानपुरका निर्वतमान सभापति रघुरमण न्यौपानेको शिघ्र स्वास्थ्य लाभको कामना समेत गरिएको थियो ।भेलामा नवयुग अनलाइनमा कार्यरत राममणी न्यौपाने प्रेस युनियनको सदस्यता प्रदान गरिएको थियो ।
कार्यक्रममा युनियन मकवानपुरका निवर्तमान अध्यक्ष रुपेश दुलाल, पूर्व अध्यक्ष गोकर्ण सुवेदी, अग्रज पत्रकार राजन दाहाल खुशराज,  प्रेस युनियनका केन्द्रीय पार्षद् एवम् रामेछापका पत्रकार युवराज श्रेष्ठ, र नेपाल पत्रकार महासंघ मकवानपुरका सचिव गणेश दर्पण अधिकारीले प्रेस युनियनबाट लोकप्रिय, श्रमजिवी र आम पत्रकार तथा संचारमाध्ययमको हित गर्नसक्ने व्यक्ति पत्रकार महासंघको निर्वाचनमा उम्मेदवार हुनुपर्ने धारणा व्यक्त गरे ।
मंगलवार बसेको युनियनको कार्यसमिति बैठकबाट आसन्न पत्रकार महासंघको निर्वाचन परिचालन समिति समेत बनाइएको छ । युनियन मकवानपुरका सचिव केशव समपर्णको संयोजकत्वमा ७ सदस्यीय कमिटी बनाइएको युनियन मकवानपुरका संगठन विभाग प्रमुख बलराम पुडासैनीले जानकारी दिए ।