रानीखोला राजदेवी खानेपानीको साधारणसभा,अध्यक्षमा पुन:न्यौपाने

भीमसेन पौडेल

२२फागुन, हेटौडा । हेटौडा–१७ मा रहेको रानीखोला राजदेवी खानेपानी तथा सरसफाई उपभोक्ता समितिको अध्यक्षमा पुनः नवराज न्यौपाने सर्वसम्मत अध्यक्षमा चयन भएका छन । समितिको शनिवार सम्पन्न भएको छैठौं वार्षिक साधारणसभाले न्यौपानेको अध्यक्षतामा ९ सदस्यीय नयाँ कार्यसमिति चयन गरेको हो । 

समितिको उपाध्यक्षमा कृष्णप्रसाद नेपाल, सचिवमा कृष्णप्रसाद पराजुली, कोषाध्यक्षमा कमला श्रेष्ठ र सहसचिवमा रच्युत देवकोटा चयन भएका छन । सदस्यहरुमा उर्मिला धमला,दामोदर दाहाल,लक्ष्मी पुडासैनी र सीतु श्रेष्ठ रहेका छन ।

साधारणसभामा समितिका अध्यक्ष नवराज न्यौपानेले संस्थागत प्रतिवेदन र कोषाध्यक्ष कमला श्रेष्ठले आर्थिक प्रतिवेदन प्रस्तुत गरेका थिए । नयाँ कार्यसमिती निर्माण गर्न भेलाले उदय विडारीको संयोजकत्वमा भीमसेन पौडेल,भागवत अगस्ती, श्यामलाल श्रेष्ठ र पूजा दाहाल सदस्य रहेको निर्वाचन समिति गठन गरेको थियो ।हेटौडा–१७ का वडा अध्यक्ष भैरब बहादुर राईको प्रमुख आतिथ्यता एवम समितिका अध्यक्ष न्यौपानेका अध्यक्षतामा भेला भएको थियो ।भेलामा हेटौडा–१७ का वडा सदस्य भीमबहादुर अधिकारी, टिकाप्रसाद तिमल्सिना, बाँसको धारा खोपानी तथा सरसफाई उपभोक्ता समितिका अध्यक्ष शिवराम तिमल्सिना, चुच्चेखोला सामुदायिक वनका अध्यक्ष अर्जुनप्रसाद दाहाल, समितिका सल्लाहकार अर्जुनप्रसाद देवकोटा लगायतकाले मन्तव्य व्यक्त गरेका थिए । समितिले १ सय ९३ वटा सशुल्क र ३ वटा धारा सार्वजनिक स्थानमा निःशुल्क वितरण गरेको समितिले जनाएको छ ।