शिक्षक संघ रौतहटको विस्तारित बैठक सम्पन्न

रञ्जन खरेल 

४ चैत्र,रौतहट ।  नेपाल शिक्षक संघ रौतहटको विस्तारित बैठक सम्पन्न भएको छ। संघका जिल्ला अध्यक्ष  रामकृपाल यादवको अध्यक्षतामा माध्यमिक विद्यालय बरगजवामा विस्तारित बैठक  सम्पन्न भएको हो। 

बैठकमा संघ प्रदेशका वरिष्ठ उपाध्यक्ष राम मंगल यादव,ने शिक्षक संघ  रौतहटका पूर्व अध्यक्ष सुदामा राय यादव, प्रदेश नम्बर २ सदस्य मुक्ति प्रसाद कुशवाह,अन्सारुल हक ,प्रदेश प्रतिनिधि रञ्जन खरेल,बुनिलाल यादव,केन्द्रिय प्रतिनिधि यसोदा खनाल ,

रौतहटका सबैपालिकाका  शिक्षक संघका अध्यक्ष एवम पदाधिकारीहरु,जिल्ला पदाधिकारीहरुको उपस्थिति रहेको थियो।उक्त बैठकले काँग्रेस महामन्त्री शशांक कोइरालाको आतिथ्यता चैत्र ११ र १२  गते हुने  प्रदेश २ को दोश्रो र तेश्रो प्रदेश प्रतिनिधिसभाको तयारीको लागि विभिन्न समितिहरू गठन गरेको छ। राम मंगल यादवको संयोजकत्वमा स्वागत तथा सम्मान समिति,मुक्ति कुशवाहको संयोजकत्वमा मञ्च व्यवस्थापन तथा तयारी समिति गठन गरिएको छ । त्यसैगरी  सदस्यता नविकरण,नयाँ सदस्यता वितरण,स्थानीय पालिका प्रतिनिधि सभा र जिल्ला प्रतिनिधि सभा आगामी चैत्र ९ गतेभित्र सम्पन्न गरिसक्ने निर्णय भएको संघका अध्यक्ष यादवले बताएका छन।