मकवानपुरमा मास्क नलगाउने ४९० जनाले तिरे १ सय रुपैँया

१७ बैशाख,हेटौंडा । मकवानपुरमा कोरोना संक्रमण लाई मध्यनजर गर्दै प्रशासनले मास्क नलगाई हिडनेलाई कार्वाही गर्न सुरु गरेको छ।सुरुमा दुई दिन सम्झाई बुझाई गरी मास्क वितरण गरेको प्रशासनले बैशाख १३ गतेदेखी मास्क नलगाइ हिडनेलाई जरीवाना सहित कार्वाही सुरु गरेको हो।  

यसै क्रममा मकवानपुर प्रहरीले गएको १३ गते देखी १७ गते बेलुका सम्म प्रशासनको आग्रहलाई   अवज्ञा गर्दै  मास्क नलगाइ हिडने ४ सय ९० जनालाई काबार्ही गरेको मकवानपुरका प्रहरी  प्रमुख एसपी  सोमेन्द्रसिंह राठौरले बताएका छन।  

"हामीले सुरुका दिनमा मास्क नलगाउनेलाई सम्झाई बुझाई गरी मास्क वितरण समेत गर्यो तर पनि सचेत गराउदा पनि मास्क नलगाई  सङ्क्रमण फैलन सक्ने कुरालाई वेवास्ता गर्दै हिडेका ४ सय १५ जना पुरुष र ७५ जना महिला गरी ४९० जनालाई संक्रामक रोग ऐन २०२० अन्तर्गत १०० रुपैँया जरीवाना तिराई कार्वाही गरेका  हौं"-एसपी राठौरले भने।उनले यो अभियान जारी रहने समेत बताए।  

यता यस ऐन अनुसार लकडाउन, निषेधाज्ञा उल्लंघन गर्ने व्यक्तिलाई एक सय रूपैयाँ जरिवानादेखि १ महिनासम्म कैद र अधिकृत व्यक्तिहरूलाई काममा बाधा पुर्याउनेलाई ६ महिना कैद, ६ सय रूपैयाँ जरिवा या दुवै हुन सक्ने व्यवस्था रहेको छ।