प्रेस स्वतन्त्रता दिवसमा पत्रकार महासंघ मकवानपुरको शुभकामना

२० बैशाख, हेटौंडा । विश्व प्रेस स्वतन्त्रता दिवसको अवसरमा नेपाल पत्रकार महासंघ मकवानपुरले संचारकर्मीहरुलाई शुभकामना दिएको छ । महासंघका अध्यक्ष मणिराज गौतम र सचिव शुभलक्ष्मी विकद्वारा जारी संयुक्त विज्ञप्तिमा दिवसको अवसरमा संचारकर्मीलाई शुभकामना दिईएको हो ।
विज्ञप्तिमा एकातिर नागरिकको सूचना प्राप्त गर्ने अधिकारको संरक्षणका लागि संचार क्षेत्रले कोरोना महामारीका बीच महत्वपूर्ण भूमिका खेल्नुपर्ने उत्तरदायित्व बोकेको जनाईएको छ । संचार क्षेत्र महामारीको समयमा निकै जटिल अवस्थाबाट गुज्रिरहेको अवस्था रहीरहेको छ भने प्रेस तथा अभिव्यक्ति स्वतन्त्रतामाथि अंकुश लगाउने खालका गतिविधि र संचारकर्मीहरु माथि हुने विभिन्न प्रकारका हस्तक्षेप विरुद्ध लड्नुपर्ने अवस्था रहेको महासंघको भनाई छ । महासंघले प्रेस स्वतन्त्रता रक्षाका लागि राज्य एवं गैर राज्य सबै पक्षलाई सहकार्यका लागि नेपाल पत्रकार महासंघ मकवानपुर आग्रह गरेको छ ।
महासंघले संचारकर्मीहरुलाई कोरोना जोखिमको विषम परिस्थितिमा सतर्कता र उच्च सावधानीका साथ समाचार सम्प्रेषणको काममा लाग्न र जोखिम न्यूनीकरणका लागि मास्क, सेनिटाइजर लगायत स्वास्थ्य सुरक्षा सामग्री उपलब्ध गराइने हुँदा आवश्यक परेमा महासंघमा सम्पर्क गर्न आग्रह गरेको छ ।