मकवानपुरमा अति आवस्यक सेवाहरुको खुल्ने समय परिवर्तन

२२ बैशाख, हेटौंडा । कोरोना भाइरसको नियन्त्रण तथा रोकथामका लागी जिल्ला कोभिड–१९ संकट व्यवस्थापन केन्द्रको निर्णय अनुसार जिल्लाका ४ स्थानिय निकायमा निषेधाज्ञा लगाएपनि अति आवस्यक सेवा क्षेत्रहरुमा सर्वसाधरणको भिडभाड नियन्त्रणमा नआएपछि प्रशासनले पुनः समय तालिकामा परिवर्तन गरेको छ । 
निशेधाज्ञाको समयमा मकवानपुरमा अति आवस्यक सेवाहरुबाहेक बिहान १० देखि दिउँसो ४ बजेसम्म खोल्ने निर्णय भएको बैंक तथा वित्तिय संस्था अब दिउँसो २ बजेसम्म मात्रै खुल्ने भएका छन् । 
यसैगिरी जिल्ला कोभिड–१९ संकट व्यवस्थापन केन्द्रले बिहान ५ देखि ९ बजेसम्म खुल्दै आएको तरकारी, खाद्यान्न, पानी, दूध, माछामासु र फलफूल पसल भने अब बिहान ८ बजेसम्म मात्र खोल्न पाईने निर्णय गरेको छ । यस्तै निर्णय अनुसार बैंक तथा वित्तिय संस्थाहरु आलोपालो गरी जनस्वास्थ्यका मापदण्ड अनिवार्य पालना गरी भिडभाड नहुने गरी सञ्चालन गर्नुपर्नेछ । 
मकवानपुरमा रहेका उद्योग कलकारखानाले सम्भव भएसम्म कर्मचारी तथा श्रमिकलाई उद्योगमै राख्ने व्यवस्था गर्नुपर्नेछ । सम्भव नभए जिल्ला प्रशासन कार्यालय मकवानपुरमा जानकारी गराई निश्चित सवारी साधनको प्रयोग गरी बिहान ४ देखि ६ बजेभित्र कर्मचारी तथा श्रमिकलाई उद्योग परिसरभित्र प्रवेश गराइसक्नुपर्ने निर्णय गरिएको छ । 
उद्योग कलकारखानाले साँझ ५ देखि ७ बजेसम्म आफ्ना कर्मचारीलाई घरमै पु¥याउने व्यवस्था गर्नुपर्ने निर्णय गरिएको छ । यस्तै अस्पताल प्रयोजन बाहेक अन्यत्र प्रयोग भएका अक्सिजनको लगत तयार गरिने भएको छ ।