राज्यले वेवास्ता गरेको चिप्लेटीका पीडितको गुनासो

गुगल तस्विर

२ भदौं, हेटौँडा । साउन २९ गतेको अविरलको बर्षाका कारण गएको बाढी र पहिरोले क्षति पु¥याएको हेटौँडा–१५ चिप्लेटी बाँसघारीका स्थानीयले आफुहरुलाई राज्यले वेवास्ता गरेको गुनासो गरेका छन् । घर, पशुचौपाया, अन्नपात र खेत बगाएपनि अहिलेसम्म राज्यबाट सोधखोज नभएको उनीहरुले गुनासो गरेका हुन् ।
बर्षाका कारण स्थानीय बुद्धिमाया भोलनको घर र १४ वटा बाख्रा, बुद्धिमान थिङको घर, ८ वटा बाख्र्रासहित अन्नपात र लत्ताकपडा, भगत बहादुर थिङको घर र सानुमाया बलको गोठ बगाएको स्थानीय बीरमान घलानले बताए । उनका अनुसार चिप्लेटीमा सडक पूर्ण रुपमा क्षतिग्रस्त भएको छ भने खेत समेत बगाएको छ । विजुली नबलेको ५ दिन भईसकेको उनको भनाई छ । आफुहरु विपदमा परेपनि राज्यको नजरबाट ओझेलमा परेको घलानले गुनासो गरे । 
स्थानीय विश्वज्योति आधारभुत विद्यालयका प्रधानाध्यापक रिपुप्रसाद गौतमका अनुसार गाउँका एक दर्जन घर जोखिममा रहेका छन् भने केहीले घर छाडेर छिमेकीकोमा आश्रय लिएका छन् । दिर्घकालिन रुपमा बस्ति स्थानान्तरण गर्नुपर्ने पर्ने चिप्लेटीमा अहिलेलाई प्राथमिक सहयोग अत्यावश्यक रहेको प्रधानाध्यापक गौतमको भनाई छ । उपमहानगरपालिका भएपनि दुर्गममा रहेको चिप्लेटी पुग्न बाराको अमलेखगञ्ज हुँदै जानु पर्दछ ।