मंगलबार नेपालमा २६३४ संक्रमित थपिदा, १५६५ ले कोरोना जिते

२२ असार, हेटौंडा । स्वास्थ्य तथा जनसंख्या मन्त्रालयका अनुसार नेपालमा मंगलबार कोरोना संक्रमित निको हुनेभन्दा थपिनेको संख्या बढी रहेको छ । 
मन्त्रालयका अनुसार मंगलबार १ हजार ५ सय ६५ जना संक्रमित निको हुँदा २ हजार ६ सय ३४ जनामा कोरोना भाइरसको सएक्रमण पुष्टि भएको छ । 
७ हजार ५ सय ३ जनाको पीसीआर परीक्षण गर्दा १ हजार ७ सय १८ जना र ५ हजार ८२ जनाको एन्टिजेन परीक्षण गर्दा ९ सय १६ जना गरी २ हजार ६ सय ३४ जनामा कोरोना संक्रमण पुष्टि भएको हो । 
योसहित नेपालमा पीसीआर विधिबाट गरिएको परीक्षणमा ६ लाख ४८ हजार ८५ जना र एन्टिजेन विधिबाट गरिएको परीक्षणमा ३९ हजार नौ सय १० जनामा कोरोना संक्रण पुष्टि भएको छ ।
यस्तै मंगलबार नेपालमा १ हजार ५ सय ६५ जनाले कोरोना भाइरसलाई जितेका छन् । योसँगै नेपालमा अहिलेसम्म कोरोना संक्रमणमुक्त हुनेको संख्या ६ लाख १२ हजार ९ सय ९४ जना पुगेको छ । अहिले नेपालमा २५ हजार आठ सय २८ जना सक्रिय संक्रमित रहेका छन् । 
यसैगरी मंगलबार नेपालमा कोरोना भाइरसको संक्रमणका कारण थप १५ जनाको ज्यान गएको छ । योसँगै कोरोनाका कारण ज्यान गुमाउनेको संख्या नौ हजार दुई सय ६३ पुगेको मन्त्रालयले जनाएको छ ।