हेटौंडा-६ मा रहेको शान्ति टोल विकास संस्था आजबाट आफ्नै भवनमा

५ साउन,हेटौंडा। हेटौंडा-६ मा रहेको शान्ति टोल  विकास संस्थानको नवनिर्मित २ कोठे भवनको उदघाटन गरिएको छ।नवनिर्मित भवनको हेटौंडा-६ का वडाध्यक्ष अर्जुन प्रसाद चौलागाई मंगलबार बिहान उदघाटन गरेका हुन।  

टोल विकास संस्थाका अध्यक्ष केशव धितालको सभाध्यक्षतामा भएको कार्यक्रममा बोल्दै हेटौडा–६ का वडा अध्यक्ष अर्जुन प्रसाद चौलागाँईले समग्र टोलको विकासका निमित्त टोलबासीहरुको सक्रिय सहभागिता प्रेरणादाही रहने भन्दै शान्ति टोल बिकास संस्थाको नवनिर्मित भवनले टोल विकासको  काम कार्वाहीमा सहजता प्रदान  गर्ने बताए।  

त्यसैगरी कार्यक्रममा भवन निर्माण समितिका संयोजक पूर्णभद्र चौलागाँईले भवन निर्माणमा भएका आम्दानी र खर्चको विवरण प्रस्तुत गरेका थिए ।१७ लाख ५० हजार लागतमा उक्त भवन निर्माण सम्पन्न भएको संयोजक चौलागाँईले बताए। 

कार्यक्रममा मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी, बंशगोपाल माविका प्राचार्य रमेश प्रसाद लामिछाने,सहयोगी मन नेपालका अध्यक्ष केदार प्रसाद चौलागाँई,कामधेनु बहुउद्धेश्यीय सहकारी संस्थाका अध्यक्ष उदय बिडारी,जनकल्याण बचत तथा ऋण सहकारीका उपाध्यक्ष श्याम प्रसाद भट्टराई, टोल विकास संस्था नगर समन्वय समितिका सचिवालय सदस्य विष्णु प्रसाद ढुङगाना,संस्थाका सचिव भरत सापकोटा, संचारकर्मी भीमसेन पौडेल लगायतकाले मन्तव्य व्यक्त गरेका थिए । कार्यक्रममा भवन निर्माणमा सहयोग गर्ने सहयोगीदातालाई प्रशंसापत्रले सम्मान गरिएको थियो।