हेटौंडा-६ पिस पार्कमा रानीको वृक्षारोपण,सालक केजको उदघाटन

भीमसेन पौडेल

१५ साउन,हेटौडा ।हेटौंडा-६ चौघडामा रहेको रानी सामुदायिक वन उपभोक्त समुहले छैठौं राष्ट्रिय वन दिवसको अवसरमा विभिन्न कार्यक्रमको आयोजना गरेको छ।समुहले शुक्रबार हेटौंडा-६ शान्तिटोलमा रहेको स्वर्गीय विपी गणेशमान पार्क र पार्कमा रहेको बाल उद्यानमा वृक्षारोपण गरि सालको संरक्षणका लागि बनाइएको सालक केजको उदघाट्न गरेर वन दिवस मनाएको हो।

कार्यक्रममा तेजपात,धुपी,बडहर,अमला, गोलमोहर लगायतका विरुवाहरुको वृक्षारोपण गरिएको थियो।हेटौडा उपमहानगरपालिका उपमेयर मीना कुमारी लामाको प्रमुख आतिथ्यता एवम समूहका अध्यक्ष विष्णु प्रसाद न्यौपानेको अध्यक्षतामा कार्यक्रम सम्पन्न भएको थियो।  कार्यक्रमको बोल्दै प्रमुख अतिथि लामाले रानी सामुदायिक वनले सालक संरक्षणमा ठुलो भुमिका खेलेको बताइन। 

कार्यक्रममा हेटौडा–६ का वडा अध्यक्ष अर्जुनप्रसाद चौलागाँई,मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी,डिभिजन वन कार्यालय मकवानपुरका सहायक वन अधिकृत अच्युत लामिछाने, सव डिभिजन वन कार्यालय हेटौडाकी सहायक वन अधिकृत गायत्री शर्मा,सामुदायिक वन उपभोक्ता महासंघ मकवानपुरका कोषाध्यक्ष बलराम अधिकारी, वन समूहका उपाध्यक्ष केशव धिताल, सल्लाहकार कृष्ण विडारी,भरत सापकोटा,कामधेनु बचत तथा ऋण सहकारीका अध्यक्ष उदय विडारी लगायतकाले मन्तव्य व्यक्त गरेका थिए।कार्यक्रममा स्वर्गीय  विपी गणेशमान ट्रष्ट निर्माण उपभोक्ता समितिका अध्यक्ष भीमसेन पौडेलले पार्क,सालक केज र बाल उद्यानको  आय व्यय विवरण प्रस्तुत गरेको थिए।