नियन्त्रणमा लिएर वाइसियलले बुझायो मकवानपुर प्रहरीलाई ७ जना चोर

वाइसियलको पत्रकार सम्मेलनमा बोल्दै वाइसियल बागमती अध्यक्ष थिङ

१६ साउन,हेटौंडा। नेपाल कम्युनिष्ट पार्टी माओवादीको भातृ संगठन वाइसियल नेपालले नियन्त्रणमा लिएको ७ जना चोरलाई  मकवानपुर प्रहरीको जिम्मा लगाएको छ।वाईसियल बागमती गाउँपालिकाले  फलामको पोल चोरी निकासी गर्ने गिरोका ७ जनालाई चोरी गरेको पोल सहित रङगेहात नियन्त्रणमा लिएर प्रहरीलाई बुझाएको हो ।

पूर्वी मकवानपुरको बागमती गाउँपालिका – १ मा बन्दै गरेको सबस्टेसनबाट  ३५ हजार रुपैया बराबरको ४० ओटा पोल चोरी गरिरहेको अवस्थामा ७ जनालाई नियन्त्रणमा लिइएको वाइसियल बागमती गाउँपालिका अध्यक्ष बिर बहादुर थिङ बताएका छन।शुक्रबार हेटौंडामा पत्रकार सम्मेलनको आयोजक गर्दै यस बिषयमा जानकारी गराइएको हो। 

पत्रकार सम्मेलनमा बागमती गाउँपालिका अध्यक्ष बिर बहादुर थिङले सबस्टेसनबाट  मे १ ख २५०३ नम्बरको ट्रकमा पोल चोरी गर्दै लोड हुदैं छ भन्ने विशेष सूचनाका आधारमा शंकालागि सोधपुछ र चेकजाँच गर्दा ७ जनालाई पक्राउ गरेर इलाका  प्रहरी कार्यालय फापरवारीलाई बुझाइएको बताए। 

पक्राउ पर्नेमा बागमती गाउँपालिका ७ का सुरेश लामा र उमेश लामा, रौतहट चपुरका धन बहादुर लामा र देव पौडेल, संखुवासभाका हरी नेपाल, काभ्रेका जयराम सापकोटा र ट्रक चालक भक्तपुर मध्यपुर ठिमीका विवेक पोखरेल रहेका छन् ।कार्की एण्ड कटहरीया कन्स्ट्रक्सनका प्रमुख नवराज कार्कीको मुख्य योजनामा उनिहरुले उक्त पोल नुवाकोटको त्रिशुली नगरपालिको बट्टार लैजान तयारी रहेको थिङले बताए।यता यस बिषयमा बुझदा मकवानपुर प्रहरी प्रवक्ता प्रहरी नायब उपरीक्षक जयश्वर रिमालले वाईसियलले बुझाएका ७ जनामाथि मुद्दा दर्ता गरी आवश्यक अनुसन्धान सुरु गरिसकिएको बताए।