बिरगंजमा लागू औषध सहित हेटौंडाका दुई जना पक्राउ 

२१ साउन, हेटौंडा । जिल्ला प्रहरी कार्यलय पर्साका अनुसार हेटौंडाका २ जना सहित बिरगंजबाट लागु औषध सहित ४ जना पक्राउ परेका छन् ।
पक्राउ पर्नेहरुमा मकवानपुरको हेटौंडा उपमहानगरपालिका वडा नम्बर ११ का २१ वर्षीय डेनिएल तामाङ, हेटौंडा–४ का २७ वर्षीय विकास देउला, काठमाडौं महानगरपालिका वडा नम्बर ३ का ३२ बर्षी विमल श्रेष्ठ र बिरगंज महानगरपालिका वडा नम्बर ९ का ४५ वर्षीय जितेस प्रसाद श्रीवास्तव रहेका छन् ।
वीरगञ्ज महानगरपालिका वडा नम्बर १६ बसपार्क स्थित वडा प्रहरी कार्यालयबाट खटिएको प्रहरी टोलीले २० गते वीरगञ्ज महानगरपालिका–१६ शंकराचार्यबाट काठमाडौं सितापाइलका ३२ वर्षीय विमल श्रेष्ठ र हेटौंडाका २१ वर्षीय डेनियल तामाङको साथबाट स्कुटीको डिकीमा लुकाइ ल्याएको लागु औषध नुर्फिन ३० एम्पुल, डाइजेपाम ३० एम्पुल र फेनारगन ३० गरी ९० एम्पुल बरामद गरेको जनाएको छ ।
यस्तै साउन २१ गते बिहीबार वीरगञ्जको जयन्तीचोकबाट हेटौडाका २७ वर्षीय विकास देउलाको साथबाट कोडिन फस्फोट सिरफ १०० एमएलको ३३ बोतल, नाइट्राभेट ७५ ट्याबलेट र स्पाकोर भोनप्लस ८ प्रहरीले बरामद गरेको जनाएको छ ।
यसैगरी प्रहरीले बिहीबार दिउँसो १०० एमएलको २ सय ३१ बोतल लागुऔषधसहित जितेस प्रसाद श्रीवास्तवलाई पक्राउ गरिएको जनाएको छ । पक्राउ परेकाहरुलाई लागु औषधसम्बन्धी कसूरमा थप अनुसन्धान अगाडि बढाइएको प्रहरीले जनाएको छ ।