हेटौंडा रोतोमाटेबाट अवैध चाँदीका गरगहना सहित २ पक्राउ

२५ साउन, हेटौंडा । जिल्ला प्रहरी कार्यलय मकवानपुरले अवैध चाँदीको गरगहना सहित दुई जनालाई पक्राउ गरेको छ । 
ईलाका प्रहरी कार्यालय पशुपति नगरबाट खटिएको प्रहरी टोलीले हेटौंडा उपमहानगरपालिका वडा नम्बर १५ रातोमाटेबाट सुरक्षा जाचका क्रममा अवैध चाँदीको गहना र मोटरसाईकल सहित दुईजनालाई पक्राउ गरेको हो ।
बिरगंजबाट हेटौंडा तर्फ आउँदै गरेको प्रदेश २–०३–००४ प २५६ नं. को मोटरसाईकल चालक  चितवनको माडी नगरपालिका वडानं ६ बस्ने वर्ष २३ का सागर सुनार र सोही मोटरसाईकलको पछाडी सवार मकवानपुरको हेटौडा उपमहानगरपालिका वडा नं ३ घर भई हाल चितवनको भरतपुर महानगरपालिका वडा नं २२ बस्ने वर्ष ३५ को शम्भु घतानेलाई पक्राउ गरेको हो ।
उनीहरुले मोटरसाइकलमा लुकाई छिपाई भन्सार छली चोरी पैठारी गरी ल्याएको चाँदीको  तयारी बाला ८० थान, गणेश बाला १६ थान, बागमुखे बालाको टुक्रा ८ थान, पञ्चरत्न बाला ३७ थान गरी जम्मा ५ सय ११ ग्राम ९५० मिलि ग्राम चाँदी फेला परेको जिल्ला प्रहरी कार्यलय मकवानपुरले जनाएको छ । 
उनीहरुलार्य उक्त चाँदीका गरगहना सहित आवश्यक कारवाहीको लागि राजस्व अनुसन्धान कार्यालय पथलैया बारा पठाइएको जिल्ला प्रहरी कार्यलय मकवानपुरका प्रवक्ता प्रहरी नायव उपरीक्षक जयस्वर रिमालले जानकारी दिए ।