‘मकवानपुरगढीलाई टुक्र्याउन पाईदैन’

२० भदौं, हेटौँडा । मकवानपुरगढी गाउँपालिकालाई निर्बाचन संघिय र प्रदेशको निर्बाचन क्षेत्रमा टुक्रयाएको भन्दै मंगलबार प्रधानमन्त्रीलाई ज्ञापनपत्र बुझाइएको छ । एउटै गाउँपालिकालाई दुईवटा निर्बाचन क्षेत्रमा टुक्राउन नहुने भन्दे मकवानपुरका प्रमुख जिल्ला अधिकारी चक्रबहादुर बुढा मार्फत प्रधानमन्त्रीलाई ज्ञापनपत्र बुझाइएको हो । 
मकवानपुर गढी गाउँपालिकाका अध्यक्ष बिदुर हुमागाईले गढी गाउँपालिकालाई सिमा निर्धारण आयोगले प्रदेश र केन्द्र दुबैको निर्बाचन क्षेत्रमा टुक्रा पार्ने निणयको बिरोध गर्दै त्यसलाई सच्याउनका लागि माग गरे । यस अघि गढी गाउँपालिककाको भदौ १६ गते बसेको बैठक र मंगलबार बसेको सर्बदलिय बैठकले पनि गढी गाउँपालिकालाई निर्बाचन क्षेत्रका आधारमा नटुक्र्याउन माग गर्ने निर्णय गरेको छ । दुईवटा निर्बाचन क्षेत्र हुँदा गढी गाउँपालिकाको बिकाश गर्नका लागि पनि समस्या हुने भएकाले आयोगको निर्णय सच्याउन आग्रह गरिएको छ । 
ज्ञापनपत्रमा अध्यक्ष हुमागाई, नेपाली काग्रेश गढीका राजेन्द्र प्रसाद ढकाल, नेकपा एमाले मकवानपुर गढीका तेजप्रसाद लम्साल, माओबादी केन्द्रका कृष्णप्रसाद दाहाल, राप्रपाका कृष्ण बिडारी, संघिय समाजबादी फोरमका बिजय थोकर लगायतकाले हस्ताक्षर गरेका छन् ।