भीमफेदीमा हाजिरीजवाफ तथा खेलकुद सम्पन्न

२९भदौँ,हेटौँडा । नेपाल बाल संगठन मकवानपुर र भीम आधार सामुदायीक स्कुल भीमफेदीको संयुक्त आयोजनामा ‘बाल मैत्री शासनः बाल अधिकारको सम्मान’ भन्ने नाराका साथ  भीमफेदी गाउँपालिकामा विद्यालय स्तरीय हाजिरीजवाफ तथा खेलकुद प्रतियोगिता सम्पन्न भएको छ ।  

नेपाल बाल संगठन मकवानपुर र भीम आधार सामुदायीक स्कुल भीमफेदीको संयुक्त आयोजनामा सम्पन्न  हाजिरीजवाफ प्रतीयोगितामा भीम आधार सामुदायिक स्कुलको रंजिता समुह प्रथम, बर्षा समुह द्धितिय र बिनिता समुह तृतिय भएको छ । बाल संगठनका कार्यक्रम संयोजक कृष्ण नकर्मीको सभाध्यक्षता तथा संगठनका जिल्ला अध्यक्ष रमेश गिरीको प्रमुख आतिथ्यमा सम्पन्न कार्यक्रममा बिजयी एवं सहभागी विद्यार्थीहरुलाइ बाल संगठनका कार्यसमिति सदस्य राजकुमार सिंतान, बालगृह प्रमुख सुरेन्द्र सापकोटा र भीम आधार सामुदायीक स्कुलका प्रिन्सिपल माया रेग्मीले पुरस्कार तथा प्रमाणपत्र वितरण गरेका थियो भने  बाल संगठनले भीमफेदी बालगृहमा म्युजिकलचेयरलगायतका खेलहरु सम्पन्न गरेको छन । त्यसैगरी महेन्द्र माध्यामिक बिद्यालय भीमफेदी ले पनि बाल दिवशको अवसरमा चित्रकला र भीमफेदी बजारमा प्रभातफेरी कार्यक्रम सम्पन्न गरेको छ ।