दुई नम्बर प्रदेशमा कति तहमा निर्वाचन हुदै छ ?  

३० भदौ , हेटौँडा । असोज २ गते दुई नम्बर प्रदेशका १३६ स्थानीय तहमा चुनाव हुँदैछन ,जसमा एक महानगरपालिका, ३ उपमहानगर, ७३ नगरपालिका र ५९ गाउँपालिकामा  चुनावमा चौतर्फी भीडन्त हुने लगभग पक्का हेखिन्छ । दुई नम्बर प्रदेशका ८ जिल्लाका  २६ लाख ६४ हजार ९ सय ५० मतदाताले मतदान गर्नेछन भने  ६६२७ प्रतिनिधि निर्वाचीत हुदैछन   । २१६६ मतदानस्थल छन भने   ३५७८ मतदान केन्द्र रहेका  छन र  चुनाव गराउन  ३१ हजार पाँच सय कर्मचारी खटिएका छन् ।

 ६६२७ प्रतिनिधि निर्वाची हुने भएकाले ३५७८ मतदान केन्द्र रहेका छन जसअनुसार जिल्लागत रुपमा हेर्दा सप्तरीमा १८ स्थानीय तह, १६४ वडा, २९५ मतदानस्थल, ४६२ मतदान केन्द्र र तीन लाख ३१ हजार ६ सय ७९ मतदाता रहेका छन् । सिरहामा १७ स्थानीय तह, १६४ वडा, २२१ मतदानस्थल, ४३१ मतदान केन्द्र र तीन लाख ३२ हजार ८ सय ९५ मतदाता छन् ।

त्यसैगरी धनुषामा १८ स्थानीय तह, १६९ वडा, ३२७ मतदानस्थल, ५३२ मतदान केन्द्र र तीन लाख ८९ हजार ३ सय ९१ मतदाता छन् ।
 महोत्तरीमा १५ स्थानीय तह, १३८ वडा, २५८ मतदानस्थल, ४१५ मतदान केन्द्र र तीन लाख ८ हजार ४ सय ९ मतदाता छन् । सर्लाहीमा २० स्थानीय तह, २ सय वडा, ३१८ मतदानस्थल, ५०१ मतदान केन्द्र र ३ लाख ६६ हजार ६०० सय मतदाता छन् ।

रौतहटमा १८ स्थानीय तह, १५७ वडा, २७७ मतदान स्थल, ४३४ मतदान केन्द्र र ३ लाख २१ हजार १८ मतदाता छन् । बारामा १६ स्थानीय तह, १६७ वडा, ३०३ मतदान स्थल, ४५८ मतदान केन्द्र र तीन लाख ३४ हजार सात सय ४६ मतदाता छन् । पर्सामा १४ स्थानीय तह, ११२ वडा, १६७ मतदान स्थल, ३४४ मतदान केन्द्र र २ लाख ८० हजार २१२ मतदाता छन् ।