मागी खाने नभई गरिखाने शिक्षा प्रदान गरीनुपर्छः उपप्रधान मन्त्री श्रेष्ठ

फोटोः सुनिल शिवाकोटी /प्रस्ट खबर

१ असोज, हेटौडा । उपप्रधान तथा शिक्षा मन्त्री गोपालमान श्रेष्ठले नेपाली काग्रेसको नेतृत्वमा बनेको सरकारको मुख्य लक्ष्य संविधान कार्यन्वयन गराउनु रहेको बताएका छन ।

आधुनिक राष्ट्रिय माध्यामिक बिद्यालयको स्वर्ण जयन्तीको अवसरमा आयोजित कार्यक्रमलाई सम्बोधन गर्दै मन्त्री श्रेष्ठले यसो बताएका हुन । मन्त्री श्रेष्ठले शिक्षा नीतिलाई परिवर्तन गरी  मागी खाने नभई गरिखाने शिक्षा प्रदान गर्ने तर्फ लाग्नु पर्ने बताए । शिक्षाक्षेत्रमा थुपै चुनौती रहेको बताउदै उनले  अस्थायी शिक्षकहरुको र्ममलाई संम्बोधन गर्न ९ औ सम्सोधन संसदमा पेश गरेको बताए ।उनले कक्षा १० देखि १२ सम्मको बिद्यार्थीलाई सिकाई उपलब्धी मार्फत नयाँ किसिमको प्राविधिक शिक्षा प्रदान गर्नुपर्नेमा जोड दिए ।

आधुनिक राष्ट्रिय माध्यामिक बिद्यालय व्यवस्थापन समितिका अध्यक्ष चित्रबहादुर बिकको अध्यक्षतामा सम्पन्न भएको कार्यक्रममा काग्रेस केन्द्रिय सदस्य तथा संसद महालक्ष्मी डिना उपाध्याय काग्रेस मकवानपुर सभापर्ती एंव संसद इन्द्रबहादुर बानिँया ,एमाले साँसद अनन्त पौडेल,एमाले जिल्ला अध्यक्ष मुनु सिग्देल, हेटौँडा स्कुल अफ म्यानेजमेन्टका प्रमुख पुरन बहादुर जोशी बिद्यालयका प्रधानाध्यापक ऋषिराम उपाध्याय पोखरेलले लगाएतले मन्तव्य व्यक्त गरेका थिए । कार्यक्रम मार्फत बिद्यालयको स्थापनाकाल देखि बिद्यालयको शिक्षा सुधारमा योगदान सहयोग पु¥याउने पुर्व प्रधानाध्यापक, बिद्यालय व्यवस्थापन समितिका पुर्वअध्यक्ष, पत्रकार ,कर्मचारीहरुलाई सम्मान गरिएको थियो ।