४ टिम क्वाटर फाइनल प्रवेश

FC Internet City

२ असोज, हेटौँडा । हेटौँडामा जारी जिल्ला लिग फुटबलमा चार टिम क्वाटर फाइनल प्रवेश गरेका छन् भने चार टिम बाहिरिएका छन् । 
लोकतान्त्रिक मैदान हुप्रचौरमा भएको सोमबारको पहिलो खेलमा कमलदेवि क्लबले छिमेकी स्पोर्टस क्लवलाई १–० गोल अन्तरले पराजित गरेको छ । कमलदेवीका तर्फबाट साजन मोक्तानले खेलको १९ औं मिनेटमा विजयी गोल गरे । दोस्रो खेलमा एफसी इन्टरनेट सिटिले बुद्ध युवा क्लवलाई १–० गोल अन्तरले पराजित गरेको छ । इन्टरनेटको जितका लागि सुशान्त लामाले खेलको ४० औं मिनेटमा गोल गरेका थिए । 
यस्तै एफसी नामटार र डाँफे युवा क्लवबीचको खेलमा नामटार विजयी भएको छ । नामटारले डाँफेलाई १–० गोल अन्तरले पराजित गरेको छ । नामटारको तर्फबाट सुमन स्यांतानले खेलको ५४ मिनेटमा गोल गरेका थिए । अन्तिम खेलमा बाग्मति गाउँपालिकाले गोर्खा व्याईजलाई २–१ गोल अन्तरले पराजित गरेको छ । बाग्मतिको तर्फबाट प्रदिप डिम्डुङले ४३ र राजेश लोप्चनले ५९ मिनेटमा गोल गरे भने गोर्खा व्वाईजका तर्फबाट आशिष लामाले खेलको ३३ मिनेटमा १ गोल गरेका थिए ।
सोमबारको खेलमा पराजित भएका छिमेकी स्पोर्टस क्लब, बुद्ध युवा क्लव, डाँफे युवा क्लव र गोर्खा व्वाईज खेलबाट बाहिरिएका छन् भने विजेता टिम क्वाटर फाइनलमा प्रवेश गरेका छन् ।