संविधान कार्यान्वयनमा जोड

३ असोज, हेटौंडा । संविधान कार्यान्वयनका लागि सबै एक जुट हुनुपर्नेमा मकवानपुरका राजनीतिक दलका प्रतिनिधिहरुले जोड दिएका छन् । 
संबिधान दिबसको अबसरमा मंगलबार जिल्ला समन्वय समितिले आयोजना गरेको कार्यक्रममा राजनीतिक दलका वक्ताहरुले जनताको बलिदानीबाट प्राप्त संविधान कार्यान्वयनमा सबै एक जुट हुनुपर्ने बताएका हुन् । कार्यक्रममा बोल्दै मकवानपुर ३ नं. क्षेत्रका सांसद अनन्त पौडेलले नेपालको नयाँ संविधान उत्कृष्ट हुँदाहुँदै पनि अस्थिरता रोप्ने ठाउँ भने अझै  बाँकी रहेको बताए । उनले प्रत्यक्ष कार्यकारीको व्यवस्था संविधानलले नगरेसम्म देशमा स्थिरता आउन नसक्ने बताए । 
हेटौँडा उपमहानगरपालिकाकी उपप्रमुख मीना लामाले संविधान कार्यन्वयन गर्ने जिम्मेवारी जनप्रतिनिधिहरुको काँधमा आएको भन्दै यसको सफल कार्यान्वयनका लागि आफूहरु लागि पर्ने बताईन् ।
कार्यक्रममा नेपाली काँग्रेसका सल्लाहकार अशोक शाक्य, नेकपा एमालेकी जिल्ला अध्यक्ष मुनु सिग्देल, माओवादी केन्द्रका कमानसिं पाख्रिन, प्रमख जिल्ला अधिकारी चक्रबहादुर बुढा लगायतले मन्तव्य व्यक्त गरेका थिए । जिल्ला समन्वय समितिका संयोजक रघुनाथ ख्लालको अध्यक्षतामा कार्यक्रम भएको थियो । 
यसअघि हेटौडाको सिमाचोकबाट प्रभातफेरीको ¥याली निकालिएको थियो । ¥यालीमा राजनीतिकदलका प्रतिनिधि, पत्रकार सरकारी कार्यालयका कर्मचारी विभिन्न संघसंस्थाका प्रतिनिधि आदिको सहभागिता रहेको थियो । साँझ हेटौडाको बुद्धचोकमा दिप प्रज्वलन गरिएको छ ।
यस्तै, हेटौँडा–७ नागस्वतिमा पनि वडा कार्यालयको आयोजनामा दिप प्रज्वलन भएको छ । कार्यक्रममा वडा अध्यक्ष राजन थापा, मकवानपुर उद्योग संघका अध्यक्ष नवराज अर्याल लगायतको सहभागिता रहेको थियो ।