पदमपोखरी, नामटार र सक्षम विजयी

३ असोज, हेटौँडा । हेटौँडामा जारी जिल्ला लिग फुटबल प्रतियोगिता अन्तर्गत आज तीन खेल भएका छन् । 
मंगलबारको पहिलो क्वाटर फाइनल खेलमा पखमपोखरी युथ क्लव विजयी भएको छ । पदमपोखरीले विहानी क्लबलाई टाईब्रेकरमा ४–२ गोल अन्तरले पराजित गरेको छ । निर्धारित समयमा दुईतर्फबाट १–१ गोल भएपछि खेल टाईब्रोकरमा धकेलिएको थियो । टाईब्रेकरमा पदमपोखरीका तर्फबाट विशाल थिङ, नरेन्द्र गोले, आकाश स्याङ्तान र सूर्य वाईबाले गोल गरेका थिए भने बिहानीका तर्फबाट रुपेश थिङ र संगम राईले मात्र गोल गर्न सफल भए । 
दोस्रो खेलमा कमलदेवी युवा क्लब हर्नामाडीलाई एफसी नामटारले पराजित गरेको छ । नामटार ६–१ गोल अन्तरले विजयी भएको हो । नामटारको तर्फबाट सुमन स्यांतान र अरुण थोकरले २÷२ गोल, विकल मोक्तान र उमेश थिङले १÷१ गोल गरे । कमलदेवीको तर्फबाट निरज लामाले १ गोल गरे ।
यसअघि विहान क्वाटर फाईनलमा प्रवेशका लागि सक्षम युवा क्लब नेवारपानी र निब्टा क्लब निबुवाटारबिच भएको खेलमा सक्षम विजयी भएको छ । सक्षमले ३–२ गोल अन्तरले निब्टालाई पराजित गरेको थियो । सक्षमका तर्फबाट दिनेश गोले, अमृत गोले र मरिचमान भ्लोनले गोल गरे भने निब्टाका लागि विशाल डंगोल र सोनाम लामाले गोल गरेका थिए ।