रौतहटको चन्द्रपुरमा कांग्रेसको अग्रता

सुनिल शिवाकोटी 
३ असोज, रौतहट । प्रदेशन नं. २ को निर्वाचनको मत परिणामा आउनेक्रम जारी छ । रौतहटको चन्द्रपुर नगरपालिको पछिल्लो मतपरिणम सार्वजनीक भएको छ । पछिल्लो मतपरिणाम अनुसार नेपाली कांग्रेसले अग्रता लिएको छ ।  

मेयर पदमा कांग्रेस उम्मेदवारले १५४६ मत प्राप्त गरेका छन भने एमालेका उम्मेदवारले १४५५ प्राप्त गरेका छन र माओवादी केन्द्रका  उम्मेदवारले प्राप्त १३५१ गरेका छन । त्यसैगरी बाराका १६ स्थानीय तहमध्ये ६ वटामा नेपाली कांग्रेसले अग्रता लिइरहेको छ । नेपाली कांग्रेसले कोहल्वी, बारागढी, सिम्रौनगढ र महागढीमाई नगरपालिकाको मेयर तथा सुवर्ण  र फेटा गाउँपालिकामा अग्रता लिइरहेको छ  भने  जितपुर सिमरा र कलैया  उपमहानगरपालिका सहित  चार स्थानमा एमालेले अग्रता लिइरहेकोे छ । त्यसैगरी पचरौता, परवानीपुर र प्रसौनी गाउपालीकामा राजपा उम्मेदवारले अग्रता लिइरहेका हुन् ।
महोत्तरीको बर्दिबास नगरपालिका–१४ मा नेपाली काँग्रेसको प्यानलनै विजयी भएको छ ।  बर्दिबास–१४ मा नेपाली काँग्रेसका भरत हमालले ७ सय ३ मत सहित उनको प्यानलनै  विजयी भएको हो । उनका निकटत्तम प्रतिद्वन्द्वी (माओवादी केन्द्र) का उमेश महतो ४ सय ३४ मत ल्याएको निर्वाचन अधिकृत मणिराम न्यौपानेका जानकारी दिए ।

त्यसैगरी सप्तकोशी नगरपालिका–१ को वडाध्यक्षमा नेकपा (एमाले) का नारायणप्रसाद आचार्यको प्यानलनै विजयी भएको छ । ७ सय ६६ मत ल्याएर आचार्य विजयी भएको निर्वाचन अधिकृत राजेन्द्र लम्सालका जानकारी दिए । त्यसैगरी सदस्यमा एमालेकै  चन्द्रावती परियार, सुशीला चौधरी, कालुराम विष्ट र नारायण खड्का विजयी भएको लम्सालले बताए ।