हेटौँडामा व्याडमिन्टन प्रतियोगिता

६ असोज, हेटौँडा । मकवानपुर ब्याडमिन्टन संघको अयोजनामा शुक्रबारबाट हेटौँडामा शुरु भएको जिल्ला स्तरीय ब्याडमिन्टन प्रतियोगितामा बिके बोस र अभिसेक बोस बाबुछोराको  जोडी सेमिफाइनलमा प्रबेश गरेका छन् ।
प्रहरी उपरिक्षक विकासराज खनाल र शम्भुयादबको जोडीलाई २१–१३ र २१–१२ को सोझो सेटमा पराजित गर्दै बोसको जोडीले सेमीफाइनलको यात्रा तय गरेका हुन् । यस्तै ग्रुप ए बाटै महेश प्रसाद श्रेष्ठ र सुजित मल्लको टीमले कृष्ण प्रसाद पाण्डे र रोहिणी कार्कीको टीमलाई २१–१८, र २१–१४ को सोझो सेटमा पराजित गर्दै सेमीफाइनल प्रबेश गरेका छन् ।  
यस्तै ग्रुप बी बाट सत्यनारायण शाह र भुलेन्द्र चौधरीको टीम सेमीफाइनलमा प्रबेश गरेका छन् । उनीहरुले प्रकाश पौडेल र ध्रुब भुजेलको टीमलाई २१–१९, १४–२१ र १०–२१ को सेटमा पराजित गरेका हुन् । यस्तै त्रिभुवन बिक र हरी दवाडीको टिमले शिशिर थापा र प्रभाकर भण्डारीको टिमलाई पराजित गरेको छ । २१–१४, १७–२१, र २१–९ को सेटमा थापा र भण्डारीको टिम पराजित भए । 
फाइनल खेल शनिबार हुने बताईएको छ । प्रतियोगितामा २३ टिम सहभागी थिए । प्रतियोगिताको उद्घाटन हेटौंडा उपमहानगरपालिकाका मेयर हरि बहादुर महतले गरेका थिए ।