लेवल नभएको दुग्द्य पर्दाथ र अमिलो भेटियो 

हेटौडा १० मा नाम परिवर्तन गरी संचालीत दिव्य डेरीमा भेटिएको लेवल नभएका घ्यू र नौनी । तस्विरः सुनिल

१० असोज, हेटौँडा  । नजिकिदै गरेको चाडवाडलाई मध्यनगर गर्दै संयुक्त अनुगमन समितिले हेटौँडाको खुद्रा तथा किराना पसलहरुका साथै डेरी, होटलहरुमा दिवाकालीन र रात्रीकालिन अनुगमनमा तिव्रता दिएको छ ।

 अनुगमनका क्रममा हेटौडा १० मा नाम परिवर्तन गरी संचालीत दिव्य डेरीमा लेवल नभएको दुग्द्य पर्दाथ बिक्री वितरण गरेको पाईएको र  लेवल नभएका घ्यू र नौनीलाई परीक्षणका लागी क्षेत्रीय खाद्य प्रविधि तथा गुण नियन्त्रण कार्यालय पठाईएको जिल्ला प्रशासन कार्यालय हेटौडाका प्रशासकिय अधिकृत बिष्णु महतले  जानकारी दिए । त्यसैगरी हेटौडा ५ मा रहेको  क्वालिटी चुक अमिलो उद्योगमा पनि अनुगमन गरिएको छ । अनुगमनकै क्रममा उक्त उद्योगले घर भित्र कोठामा लेवल नभएको चुक अमिलो बनाउने गरेको पाईएको छ   । उक्त  उद्योगमा केही दिन अघि गरिएको अनुगमनमा घर मै अव्यवस्थित र अखाद्य तरिकाले चुक अमिलो उत्पादन गरेको पाइएको थियो। उत्पादन बन्द गर्न अनुरोध गरिएको भएतापनी अटेर गरेको हुनाले चुक अमिलो उद्योगलाई उत्पादन  गर्न नगराउन  निर्देशन दिइएको  छ।

त्यसैगरी डेरी  सहित राजर्मागका  अधिकांश होटल फोहर पाइएकोले सरसफाई कायम राख्न निर्देशन दिएको र  अनुगमनका क्रममा मादक पदार्थ उत्पादन गर्न तयार पारिएको कच्चा पदार्थ भेटी नियन्त्रणमा लिइएको महतले बताए ।
अनुगमनमा जिल्ला प्रशासन कार्यालय मकवानपुर, क्षेत्रीय खाद्य प्रविधि तथा गुण नियन्त्रण कार्यालय, घरेलु तथा साना उद्योग कार्यालय,उपभोक्ता हित संरक्षण मञ्चका प्रतिनिधिहरु सहित पत्रकारहरुको सहभागिता रहेको थियो ।