सुनगाभा सहकारीको साधारणसभा सम्पन्न,अध्यक्षमा पुन: न्यौपाने

भिमसेन पौडेल 

२१ पुस, हेटौडा । हेटौडा–६, चौघडामा रहेको सुनगाभा बहुउद्धेश्यीय सहकारी संस्था तथा तथा सुनगाभा शिक्षा निकेतन ईङलिश स्कूलको अध्यक्षमा रामहरी न्यौपाने पुन:अध्यक्ष चयन भएका छन। आज सम्पन्न १७ औं साधारणसभाले न्यौपानेलाई पुन: अध्यक्षमा सर्वसम्मत चयन गरेको हो। 

आज सम्पन्न सभाले संचालक समिति उपाध्यक्षमा साधुराम चौलागाई,सचिवमा नारायणप्रसाद अधिकारी र कोषाध्यक्षमा रामहरि चौलागाई चयन भएका छन।  समिति सदस्यहरुमा बासुदेव अधिकारी, ध्रुवप्रसाद सञ्जेल, हिमाल पौडेल,पूर्णभद्र चौलागाइ,लक्ष्मी ढकाल, केशवप्रसाद चौलागाई र राजकुमार गौतम चयन भएका छन। 

त्यसैगरी लेखा सुपरिवेक्षण समितिको संयोजकमा कुमारमणी दहाल, दुर्गाकुमारी सञ्जेल र गोपालराज भट्टराई चयन भएका छन । साधारणसभाको उदघाटन सत्रमा संस्थाका अध्यक्ष रामहरि न्यौपानेले संस्थागत प्रतिवेदन र कोषाध्यक्ष रामहरि चौलागाईले आर्थिक प्रतिवेदन पेश गरेका थिए । हेटौडा–६ का वडा अध्यक्ष अर्जुनप्रसाद चौलागाईको प्रमुख आतिथ्यता एवम संस्थाका अध्यक्ष रामहरि न्यौपानेको सभाध्यक्षतामा सम्पन्न कार्यक्रममा संस्थाका संस्थापक अध्यक्ष बासुदेव अधिकारी,जनकल्याण बचत तथा ऋण सहकारीका अध्यक्ष हिमाल पौडेल,रानी सामुदायिक वनका अध्यक्ष विष्णुप्रसाद न्यौपाने लेखा सुपरिवेक्षण समितिका संयोजक कुमारमणी दाहाल,सचिव नारायणप्रसाद अधिकारी, सुनगाभा बोर्डिङ स्कुलका प्रिन्सिपल अरुण पराजुली,शिक्षाविद तारानाथ खतिवडा लगायतको उपस्थिति रहेको थियो। १ सय १२ जना शेयर सदस्यहरु रहेको विद्यालयमा ६ सय विद्यार्थीहरु अध्ययनरत छन।