हेटौंडा-६ लाई 'नो होम डेलिभरी वार्ड' घोषणाको तयारी

२१ पुस, हेटौंडा । हेटौंडा-६ लाई 'नो होम डेलिभरी वार्ड' घोषणाको तयारी गरिएको छ ।
हेटौडा-६ का वडाध्यक्ष अर्जुन प्रसाद चौलागाईको अध्यक्षता एवं हेटौंडा उपमहानगरपालिका सामाजिक बिकास महाशाखा प्रमुख बिष्णुकुमारी लामिछानेको प्रमुख आतिथ्यतामा 'नो होम डेलिभरी वार्ड' घोषणाका लागि गोष्ठी भएको हो । हेटौंडा उपमहानगरपलिकाकै पहिलो 'नो होम डेलिभरी वार्ड'  घोषणाको लागि ९ बुँदे निरन्तरताको योजनासहित योजना तर्जुमा गोष्ठी भएको छ । 
कार्यक्रममा नेपाली कांग्रेसका राजकुमार फुयाल, एमालेका विश्व राई, माओबादीका दिपक सापकोटा, राप्रपाका शिव खनाल, आयुर्वेद तथा जनस्वास्थ्य प्रबर्द्धन शाखा हेटौडाका प्रमुख लक्ष्मीनारायण भगत , बंश गोपाल माबि चौघडाका प्रधानाध्यापक रमेश प्रसाद लामिछाने, ६ नम्बर वडाका महिला स्वास्थ्य स्वयं सेविकाहरु, व्यवस्थापन समितिका पदाधिकारी लगायतको सहभागिता रहेको थियो ।
यसैगरी, स्वास्थ्य चौकी व्यवस्थापन समितिका अध्यक्ष अर्जुन चौलागाईंको अध्यक्षतामा हेटौंडाकै पहिलो वडाको रुपमा यस बर्षको लागि ६ नम्बर वडालाई पुर्ण खोप सुनिश्चिततासहित पूर्ण खोप दिवस मनाएको छ । त्यसैगरी रेबिज संक्रमितको सम्पर्क भएको कारणले त्रासमा रहेका हेटौडा-६ रामनगरका करिब ३५ स्थानीयलाई स्वास्थ्य चौकी प्रमुख टिएन ढुङेलको पहलमा हेटौडा अस्पतालबाट रेबिज बिरुद्धधको खोप लगाउन सहजिकरण गरिएको छ ।