तरुण दल मकवानपुरद्वारा दुईजनालाई कार्वाही

२१ पुस हेटौंडा। हेटौंडा। नेपाल तरुण दल मकवानपुरले २ जना जिल्ला कार्य समिति सदस्यलाई कारबाही गरेको छ।मंगलबार हेटौंडामा बसेको जिल्ला कार्यसमिति बैठकले तरुण दल जिल्ला सदस्य यदु विक र आशिष थापामगरलाई साधारण सदस्यसमेत नरहने गरी कारबाही गर्ने निर्णय गरेको हो ।

सामाजिक सञ्जालमा पार्टी हित विपरीत विभिन्न सामाग्री सम्प्रेषण गरेकाले उनीहरुलाई कारबाही गरी संगठनबाटै निष्काशित गरिएको तरुण दल जिल्ला अध्यक्ष ईश्वर पाठकले जानकारी दिए ।

संगठनको बैठकले नेपाली कांग्रेस मकवानपुरको आगामी पुस २७ गते हुन गइरहेको जिल्ला अधिवेशनमा तरुण दलबाट प्रतिनिधित्व गर्ने जुनसुकै पदका उम्मेदवारलाई पनि निर्वाचित गराउन लागिपर्ने निर्णय पनि गरेको छ।‘पार्टीको जिल्ला अधिवेशनमा तरुण दलबाट प्रतिनिधित्व गर्ने जुनसुकै पदको उम्मेदवारलाई पनि कुनै गुट उपगुट नभनी निर्वाचित गर्न सहयोग गर्ने गर्ने निर्णय गरिएको छ । सोहीअनुसार सबैले सहयोग गर्नेछन् ।’तरुण दल मकवानपुरका अध्यक्ष पाठकले भने ।

बैठकले हेटौंडा–१४ स्थित अनाथ अपाङ्ग बाल पुनस्र्थापन केन्द्रमा जिल्ल सदस्य राजकुमार बास्तोलाको संयोजकत्वमा सहयोग गर्ने निर्णयसमेत गरेको छ।संगठनले मुखपत्र प्रकाशन गर्ने तथा म्युजिक भिडियो निर्माण गर्नेलगायतको निर्णयसमेत गरिएको सचिव सन्तोष सापकोटाले जानकारी दिए ।