बागमती प्रदेशबाट राष्ट्रिय सभाका उम्मेदवारलाई चुनाव चिन्ह प्रदान

file photo

२५ पुस, हेटौंडा । बागमती प्रदेशबाट राष्ट्रिय सभामा रिक्त हुने दुई पदका लागी उम्मेदवारी दिएका उम्मेदवारलाई आइतबार चुनाव चिन्ह प्रदान गरिएको छ ।
आगामी माघ १२ गते हुने राष्ट्रियसभा निर्वाचनका लागी बागमती प्रदेशबाट उम्मेदवारी दिएका उम्मेदवारहरुलाई हेटौंडा स्थित प्रदेश निर्वाचन कार्यालयले चुनाव चिन्ह प्रदान गरेको हो ।  
निर्वाचन कार्यतालिका अनुसार उम्मेदवारको अन्तिम नामावली प्रकाशन संगै उम्मेदवारलाई चुनाव चिन्ह प्रदान गरेको हो । गठबन्धनबाट उम्मेदवार बनेका नेकपा समाजवादीकी उम्मेदवार गोमादेवी तिमल्सिनालाई आफनै पार्टीको चुनाव चिन्ह कलम प्रदान गरिएको छ भने नेपाली कांग्रेसका तर्फबाट उम्मेदवार रहेका कृष्णप्रसाद पौडेललाई रुख चुनाव चिन्ह प्रदान गरिएको छ ।
यस्तै नेकपा एमालेका तर्फबाट उम्मेदवार बनेका गोपाल शाक्य र निर कुमारी कुवरलाई एमालेको चुनाव चिन्ह सूर्य प्रदान गरिएको छ । यसैगरी नेपाल मजदुर किसान पार्टीका तर्फबाट उम्मेदवार बनेका गिता काफ्ले र कृष्णबहादुर तामाङले मादल चुनाव चिन्ह प्राप्त गरेका छन् ।
यही फागुन २० गतेबाट राष्ट्रियसभामा बागमती प्रदेशबाट प्रतिनिधित्व गर्ने एक जना महिला र अन्य एक जना गरी २ जनाको पद रिक्त हुँदैछ ।