हेटौंडामा ओमिक्रोन भाइरसबाट बच्न मास्क वितरण अभियान

३० पुस,हेटौंडा। हेटौंडामा कोरोनाको नयाँ भेरिएन्ट ओमिक्रोन भाइरसबाट बच्न सचेतनामूलक पर्चा तथा मास्क वितरण अभियान सुरु गरिएको छ।  

शुक्रबार बिहान हेटौंडा-१० बसपार्कमा मकवानपुरमा पुरानो नारायणी यातायात कम्पनी प्रालि,जिल्ला प्रहरी कार्यालय मकवानपुर र सामुदायिक प्रहरी उप-केन्द्र मकवानुरको समन्वयमा ओमिक्रोन भाइरसबाट बच्न सचेतनामुलक पर्चा तथा मास्क वितरण अभियान सुरु गरिएको हो। 

अनिवार्य मास्क लगाऔं, स्वास्थ्य मापदण्ड पालना गरौँ भन्ने उद्देश्यले मकवानपुरका प्रमुख जिल्ला अधिकारी भरतमणी पाण्डे तथा मकवानपुर प्रहरी प्रमुख एसपी सुरेन्द्र बहादुर गुरुङको उपस्थितिमा अभियान सुरु गरिएको हो । 

गत बुधबार बसेको डिसिसीएमसीको निर्णय अनुसार शुक्रबारबाट मकवानपुरमा सार्वजानिक तथा यातायात स्थलहरुमा माक्स प्रयोग अभियानलाई सुरु गरिएको  मकवानपुरका प्रजिअ पाण्डेले बताए। 

उप-केन्द्र अध्यक्ष प्रदिप कडेँलको सभाध्यक्षतामा भएको यातायात कम्पनीका अध्यक्ष हिरालाल श्रेष्ठ, महासचिव सरोज खनाल लगायत सञ्चारकर्मीहरुको उपस्थिति रहेको थियो ।अभियानको सुरुवातमा सिडिओ र एसपी सहितका अतिथिहरूले बसपार्कमा रहेका पसल तथा बसका यात्रुहरुलाई माक्स वितरण गर्दै यात्राका समयमा माक्स अनिवार्य प्रयोग गर्न अनुरोध गरेका थिए।