फेकोफन मकवानपुरगढीको प्रथम स्थानीय परिषद सम्पन्न

२९ माघ,हेटौंडा। सामुदायिक वन उपभोक्त महासंघ नेपाल (फेकोफन) स्थानीय महासंघ मकवानपुरगढी गाउँपालिकाको प्रथम स्थानीय परिषद सम्पन्न भएको छ। 

सामुदायिक वन उपभोक्त महासंघ नेपाल (फेकोफन) स्थानीय महासंघ मकवानपुरगढी गाउँपालिकाको प्रथम स्थानीय परिषद शनिबार बिहान मकवानपुरगढी-२ शिखरकटेरीमा सम्पन्न भएको हो। 

फेकोफन मकवानपुरगढी अध्यक्ष बलराम अधिकारीको सभाध्यक्षमा तथा  फेकोफन बागमती प्रदेश सचिवालय सदस्य रामहरी चौलागाईको प्रमुख आतिथ्यमा प्रथम स्थानीय परिषद सम्पन्न भएको हो। प्रथम स्थानीय परिषदमा फेकोफन मकवानपुरगढी अध्यक्ष बलराम अधिकारीले संगठनिक प्रतिवेदन र फेकोफन मकवानपुरगढीका सचिव गोमा फुयाँलले लेखा परीक्षण प्रतिवेदन प्रस्तुत गरेका थिए। 

कार्यक्रममा मकवानपुरगढी वडा नम्बर २ का वडाध्यक्ष वखान सिंह पाख्रिन,वडा नम्बर-४ का वडाअध्यक्ष राम प्रसाद तिमल्सिना,कार्यक्रममा मकवानपुरगढी-२ का वडाध्यक्ष बखान सिंह पाख्रिन,फेकोफन स्थानीय महासंघ सल्लाहकार अर्जुन प्रसाद गौतम,हेमकर्ण महिला सामुदायिक वन उपभोक्त समूहकी अध्यक्ष रत्नमाया गोले,शुशेली सामुदायिक वन उपभोक्त समूहका अध्यक्ष  ज्ञानेन्द्र रिमाल,वुङ्दल सामुदायिक वन उपभोक्त समूह अध्यक्ष चन्द्र प्रसाद दुलाल लगायतकाले मन्तव्य व्यक्त गरेका थिए। कार्यक्रममा फेकोफन मकवानपुरगढीमा आवद्ध २९ सामुदायिक वन उपभोक्त समूहका प्रतिनिधिहरूको उपस्थिती रहेको थियो।