सांसद पौडेलले बाँडे ५० लाख

२५ असोज, हेटौँडा । मकवानपुर क्षेत्र नम्बर ३ का सांसद अनन्त पौडेलले चालु आव ०७४/०७५ का लागि ५० लाख रुपैँया विकास बजेट बाँडफाँड गरेका छन् ।

सांसद पौडेलले सांसद विकास कोषको ५० लाख रुपैँया १९ शिर्षकका योजनाहरुमा बाँडफाँड गरेका हुन् । पौडेलले सबैभन्दा बढि १० लाख रुपैँया र सबैभन्दा कम एक लाख रुपैँया बजेट उपलव्ध गराएका छन् । पौडेलले हेटौंडा क्याम्पसलाई १० लाख, चुरियामाई मावि हेटौँडा–१५ मा खानेपानी ट्यांकी निर्माणका लागि ३ लाख ५० हजार, त्रिवेणी निमावि हेटौँडा–८ मा २ लाख ५० हजार, भुटनदेवी क्लव हेटौँडा–१० को भवन पुर्ननिमाणका लागि २ लाख, पशुपति सामुदायिक भवन हेटौँडा–७ लाई २ लाख रुपैँया बजेट विनियोजन भएको छ ।

श्रीनिवास लक्ष्मीनारायण मन्दिर हेटौँडा–७ लाई १ लाख, राधाकृष्ण मन्दिर हेटौँडा–५ लाई १ लाख, राधाकृष्ण मन्दिर हेटौँडा–८ मा १ लाख, संस्कृत वेद विद्यालय हेटौँडा–१० लाई २ लाख, याङ्ला गुठी हेटौँडा–१० लाई एक लाख, हिमगंगा प्रावि हेटौँडा–८ लाई ३ लाख, पिपलबोट टोल हेटौँडा–१३ स्ल्याव निर्माणका लागि ३ लाख, बैदार टोल हेटौँडा–१३ स्ल्याव निर्माणका लागि ३ लाख बजेट विनियोजन भएको सांसद पौडेलका प्रतिनिधि गणेशकुमार तिमल्सिनाले बताए ।

त्यसैगरी, पतञ्जली योग भवन हेटौँडा–४ का लागि ४ लाख, हेटौंडा सामुदायिक आँखा अस्पताल हेटौँडा–१० का लागि २ लाख, कालिदेवी मन्दिर हेटौँडा–९ मा सामुदायिक भवन निर्माणक लागि ५ लाख, समाजसेवा युवा क्लव हेटौँडा–६ लाई फर्निचर र ट्रष्ट निर्माणका लागि ३ लाख, हेटौँडा–११ मा कभर्ड हल निर्माणका लागि २ लाख र कार्यालय संचालन खर्च १ लाख विनियोजन भएको छ ।