चुच्चेखोला वनमा तालिम

२९ असोज, हेटौँडा । सीप सिकाई आत्मनिर्भर बनाउने उद्धेश्यका साथ चुच्चेखोलामा ३ दिने तालिम शुरु भएको छ । 
जिवीकोपार्जनका लागि व्यवसायिक छनौट तथा सीप विकास तालिमको हेटौडा–१७ का वडा अध्यक्ष भैरबबहादुर राईले उदघाटन गरेका थिए । चुच्चेखोला सामुदायिक वन उपभोक्ता समूहको आयोजना, जिल्ला वन कार्यालय,मकवानपुरको समन्वय र जुलोजिकल सोसाईटी अफ लण्डन, रेजिना फाउण्डेशनको सहयोगमा तालिम संचालन गरिएको हो । 
कार्यक्रममा हेटौडा उपमहानगरपालिका योजना तथा वातावरण शाखा प्रमुख बीके महर्जन, जुलोजिकल सोसाईटी अफ लण्डन सिमराका कार्यक्रम संयोजक प्रकाश सिग्देल, हर्नामाडी ईलाका वन कार्यालयका सहायक वन अधिकृत शालिकराम भट्टराई, रानी सामुदायिक वनका अध्यक्ष कृष्णबहादुर विडारी, जरुङशक्ती सामुदायिक वनका अध्यक्ष कुमारसिह खड्का, समूहका सल्लाहकार रुद्रनाथ न्यौपाने, सचिव सरीता गौतम, कार्यालय सचिव केदारप्रसाद गौतम लगायतकाले मन्तव्य व्यक्त गरेका थिए । 
समूहमा रहेका दलित, गरिव, सीमान्तकृत, जनजाती उपभोक्ता गरी ३५ जनाको सहभागिता रहेको तालिममा हेटौडा उपमहानगरपालिका उद्यम विकास शाखाका सहजकर्ता विकास श्रेष्ठ र लेखमान राउतले सहजीकरण गरेका छन् ।