किन आएनन् प्रमुख महत नेपाल सम्वतको कार्यक्रममा ?

३ कार्तिक, हेटौँडा । हेटौँडामा शुक्रबार भएको नेपाल सम्वतको कार्यक्रममा हेटौँडा उपमहानगरपालिकाका प्रमुख हरिबहादुर महत अनुपस्थित भएपछि यसबारे चर्चा परिचर्चा शुरु भएको छ । 
महतले मादक पदार्थ सेवन गरी सिंचाई टोलका महिलाहरुमाथि गालिगलौज गरेको चर्चा चलिरहेका बेला शुक्रबारको कार्यक्रममा उनी अनुपस्थित भएपछि चर्चा परिचर्चा चलेको हो । उनले बन्दुक देखाएर महिलाहरुलाई तर्साएको समेत चर्चामा छ । सांस्कृतिक ¥यालीको प्रमुख अतिथिको रुपमा निम्ता गरिएका महत अचानक नआउने बताएपछि विहान कार्यक्रम स्थलमा चर्चा परिचर्चा चलेको हो । महतलाई निकै समय कुरेपछि पनि नआएपछि आयोजकले विकल्प खोजेको जनाइएको छ ।
जनताको मत पाएर सेवामा होमिने अठोट गरेका महतले ६ महिना नपुग्दै मादक पदार्थको तालमा महिला एवं बालबालिकाहरुलाई गालिगलौज गरेको चर्चा शुक्रबार विहानैदेखि सामाजिक सञ्चालमा छाएको छ । महतको यस्तो कार्यको धेरैले विरोध गरिरहँदा महत हेटौँडाको एकमात्रै महत्वपूर्ण कार्यक्रममा अनुपस्थित भएपछि विहिबार रातिको घटनासँग धेरैले जोडेर हेरेका छन् । 
स्रोतका अनुसार महत कार्यक्रममा अनुपस्थित भएपछि हेटौँडा वडा नम्बर १ का अध्यक्ष सविन न्यौपानेलाई प्रमुख अतिथि बनाईएको थियो । आफु प्रमुख अतिथि भएको पुष्टि गर्दै महतले अन्य विषयमा आफुलाई जानकारी नभएको बताए । प्रमुख महतले भने सार्वजनिक रुपमा यसबारे कुनै प्रतिक्रिया दिएका छैनन् ।