रेडक्रस छतिवनमा सापकोटा

Pic: Yadhav Chaulagain

१० कार्तिक, हेटौँडा । नेपाल रेडक्रस सोसाइटी उपशाखा छतिवनको अध्यक्षमा भरतप्रसाद सापकोटा चयन भएका छन् । २२ औँ वार्षिक साधरण सभाले सापकोटाको अध्यक्षतामा ९ सदस्यीय नयाँ कार्य समिति सर्वसम्मत चयन गरेको हो । 
समितिको सदस्यमा मोहनकुमारी न्यौपाने, प्रल्हादकुमार गौतम, अनुकुमारी लामा, यादव चौँलागाई, नारायण तिमल्सिना, राधेश्याम राई, सुनिल दलार्मी, रविन्द्र चौँलागाई चयन भएको मतदान अधिकृत जिल्ला रेडक्रस शाखा प्रमुख लक्ष्मण भट्टराइले बताए । यसअघि कार्यक्रममा बोल्दै रेडक्रस मकवानपुरका सभापति सूर्यचन्द्र न्यौपानेले रेडक्रसकर्मी तटस्थ रहँदै सामाजिक कार्यमा अघि बढ्नुपर्ने बताए । उनले सामाजिक सम्मानको उत्कृष्ट सेवा पुर्याउने सस्थाको रेडक्रस भएको बताउँदै मानिविय सहायताको क्रममा आग्रह पुर्वाग्रह नराख्न आग्रह समेत गरे । 
सभामा जिल्ला शाखा उपसभापति झंक प्रसाद गौतम, उपसभापति उमेश बास्कोटा, मन्त्रि लालबहादुर थापा, पिताम्वर बास्तोला, बकैया गाउँपालिका अध्यक्ष दामोदर खनाल, एमाले नेता बेलप्रसाद गौतम, पुर्व अध्यक्ष कृष्ण प्रसाद चौलागाई, माओवादी नेता  लोकनाथ गौतम, राप्रपा नेता धुर्वनारायण घिमीरे काङग्रेस नेता धर्मराज लामीछाने रेडक्रस कर्मी दलबहादुर वाइवा लगायतले मन्तव्य व्यक्त गरेका थिए ।