तासिर बोर्डिङले विद्युतीय माध्यमबाट विद्यालय र सदन क्याप्टेन छनौट

२१ असार,हेटौंडा। अहिले निर्वाचनको अभ्यास अनुरूप विभिन्न विद्यालयले मतदान गरेर विद्यालय क्याप्टेन र सदन टोली छनौट गर्दै आएका छन्। 
सोही अभ्यास अनुरूप हेटौंडा उपमहानगरपालिका वडा -७नाग्स्वतीमा रहेको तासिर इङ्ग्लिस बोर्डिङ स्कुलले विद्युतीय माध्यमबाट मतदान गरेर  सदन क्याप्टेन र विद्यालय क्याप्टेन छनौट गराको छ।विद्यालयले मंगलबार विद्युतीय माध्यमबाट निर्वाचन गरेर विद्यालय क्याप्टेन र सदन टोली छनौट गरेको हो।  
कागती मतपत्रलाई विस्थापित गर्दै मकवानपुरमै पहिलो पटक विद्युतीय माध्यमबाट विद्यालय क्याप्टेन र टोली क्याप्टेन छनौट अभ्यास गरिएको विद्यालयका प्रधानाध्यापक विनोद थपलियाले दावी गरेका छन्। 
प्रधानाध्यापक थपलियाले निर्वाचन गराउदा समयको बचत,मत बदर हुने सम्भावनामा कमि ल्याउने,कम जनशक्तिको परिचालनबाट निर्वाचन सम्पन्न गर्न सकिने,मतदान पश्चात् मत गणना गर्दा लामो समय कुर्नु नपर्ने , मत परिणामको तथ्याङ्क सरल ,सुरक्षित हुने जस्ता सन्देश प्रदान गर्न विद्यालय क्याप्टेन र  सदनको टोली नेता छनौट गर्न विद्युतीय माध्यम अपनाइएको बताए।विद्युतीय माध्यमबाट सम्पन्न निर्वाचन आयुक्तमा  शिक्षक  रबिन्द्र कार्की रहेको जनाइएको छ। 
विद्यालय क्याप्टेन तथा सदन टोली नेता छनौट कार्यक्रममा विद्यालय व्यवस्थापन समिताका अध्यक्ष मिठ्ठे बहादुर कार्की,बिद्यालय संचालक राजन थापा,बिद्यालय व्यवस्थापन समिति सदस्य प्रेम चौलागाईं ,राजन भन्डारी र बरिष्ठ सल्लाहकार दिल बहादुर श्रेष्ठ लगायतको उपस्थिती रहेको थियो। निर्वाचन प्रकृयामा  कक्षा ४ देखि कक्षा १० मा अध्ययनरत  ४११ जना विद्यार्थीले सहभागीता जनाएका  थिए। कार्यक्रमको संयोजन विद्यालयका शिक्षक कृष्ण काफ्लेको रहेको थियो।