लामिछानेको नेतृत्वमा विज्ञान शिक्षक समाज मकवानपुर पुनर्गठन 

२६ असार, हेटौंडा । खेमराज लामिछानेको अध्यक्षतामा विज्ञान शिक्षक समाज नेपाल (स्ट्यान नेपाल) मकवानपुरको नयाँ कार्यसमिति चयन भएको छ । 
विज्ञान शिक्षकहरूको साझा संगठनको शनिवार सम्पन्न भएको भेलाले १३ सदस्यीय मकवानपुर जिल्ला कार्यसमिति चयन गरेको हो । 
जिल्ला समितिका निवर्तमान उपाध्यक्ष पवन कुमार मिश्रको सभाध्यक्षता तथा केन्द्रिय प्रतिनिधि तथा प्रदेश सदस्य मनिल कुमार कर्णको प्रमुख आतिथ्यतामा भएको भेलाले सिद्धार्थ माविका विज्ञान शिक्षक लामिछानेको अध्यक्षतामा कार्यसमिति चयन गरेको हो ।
कार्यसमितिको उपाध्यक्ष भरत पोख्रेल, सचिव सुवास खनाल, सहसचिव नितेश ठाकुर, कोषाध्यक्ष मनिल कुमार कर्ण, सहकोषाध्यक्ष सुनमाया पाख्रिन रहेका छन् । यसैगरी समितिको सदस्याहरूमा मनोज पाठक, ओम प्रकाश सापकोटा, दुर्गा पराजुली, सुदर्शन पौडेल, दिपेन्द्र यादव, रमिता उपाध्याय र देवराज ढुङ्गेल रहेका छन् ।
नव निर्वाचित कार्यसमितिका अध्यक्ष खेमराज लामिछानेले स्ट्यान मकवानपुरलाई सक्रियताका साथ अगाडि बढाउने र विज्ञानसम्बन्धी गतिविधिहरू सञ्चालन गर्नगरि कार्ययोजना बनाएर अघि बढ्ने बताए । यस्तै सचिव सुवास खनालले कार्यसमितिको  पहिलो बैठकले सल्लाहकार समिति चयन गर्ने जानकारी दिए ।